رێڤهبهرێن نهخۆشخانهیێن هیڤی و تهنگاڤیان هاتنه گوهۆرین
ب ئارمانجا پتر خزمهتكرنا نهخۆشان دناڤ دهزگههێن ساخلهمیێ دا، 24/10/2012 رێڤهبهرێن نهخۆشخانهیێن هیڤی و تهنگاڤیان هاتنه گوهارتن. د.نزار عسمهت رێڤهبهرێ گشتیێ ساخلهمیا پارێزگهها دهۆكێ دیاركر كو گورانكاری دناڤ دهزگههێن ساخلهمیێ دا د بهردهوامن و گۆت: ل نهخۆشخانهیا تهنگاڤیان د.نهوزاد محهمهد ل شوونا د.عهبدوللا نهبی وهك رێڤهبهرێ نهخۆشخانێ هاته دانان و دیسان د.نزار بهكر ل شوونا د.موئهیهد محهمهد عیسا بوو رێڤهبهرێ نهخۆشخانهیا هیڤی یا زارۆیان. رێڤهبهرێ گشتیێ ساخلهمیا پارێزگهها دهۆكێ دیاركر ژی كو ههردو رێڤهبهرێن بۆری ژلایێ وان هاتنه خهلاتكرن و گۆت: كارێ بهری نوكه ژی گهلهك ب باشی هاتیه كرن و ئارمانجا سهرهكی ژ گورانكاریان ئهوه ئهم بشێین ل دووڤ پرۆگرمهكێ رێكخستی مفای بگههینین نهخۆشان و مه دڤێت خالا سهرهكی یا ههموو دهزگههێن ساخلهمیێ نهخۆش ب خوه بیت. د.عهبدوللا نهبی رێڤهبهرێ بهرێ یێ نهخۆشخانا تهنگاڤیان گۆت: سهرهرای كاركرنا بهردهوام یا دبهرفرههكرنا خزمهتێن نهخۆشخانێ دا بهلێ ئاریشه ههر ههبوون و پێشنیاز كر كو ژلایێ زانستی پتر گرنگی ب نهخۆشخانێ بهێته دان و دیسان پرسگههێن رێكخستی بۆ پێشوازیكرنا نهخۆشان بهێته پێكئینان. د.نزار بهكر رێڤهبهرێ نوو یێ نهخۆشخانا هیڤی یا زارۆیان دیاركر كو ئهو دێ وهكو ئهمانهت كارگێریا ڤێ نهخۆشخانی دبینیت و گۆت: دێ ههولێن مه ئهو بن ژلایێ زانستی و پاقژیێ پتر خزمهتا نهخۆشان بكهین و كاربكهین بۆ پێشڤهبرنا شیانێن كارمهند و نوشدارێن نهخۆشخانێ