رێڤهبهرێ گشتی یا ساخلهمیا پارێزگهها دهۆكێ جهژنا نهخۆشان پیرۆز كر و كارمهندێن نوبهدار خهلاتكرن ل رۆژا ئێكێ ژ جهژنا قۆربانیا پیرۆز
د.نزار عسمهت رێڤهبهرێ گشتیێ ساخلهمیا پارێزگهها دهۆكێ ب ههڤالینیا رێڤهبهرێن نهخۆشخانهیان، سهرهدانا ههر ئێك ژ نهخۆشخانێن ئازادی یا فێركرنێ و هیڤی یا زارۆیان و نهخوشخانا تهنگاڤیان و سۆتنێ و جوانكاریێ كر. دگهریانهكێ دا دناڤ ههموو پشكێن نهخۆشخانهیێن ناڤبری دا، د.نزار عسمهت بهرێخودان ل كارێ نوژدار و كارمهندێن ساخلهمیێ یێن نوبهدار كر و دیسان ل رهوشا نهخۆشان پرسی و ئهو خزمهتێن دهزگههێن ساخلهمیێ پێشكێشی نهخوشان دكهن ل رۆژێن جهژنێ دیاركرن و ل نێزیك ل ئاریشه و گازندهیان هایداربوو. رێڤهبهرێ گشتیێ ساخلهمیا پارێزگهها دهۆكێ ب ههڤكاریا رێڤهبهرێن نهخوشخانهیان ههموو كارمهندێن نوبهدار ل دهزگههێن ساخلهمیێ خهلاتكرن وهكو پشتهڤانیهك بۆ خزمهتێن ئهو پێشكێشی نهخۆشان دكهن ل رۆژانێن جهژنێ