نهخوشخانهكا ئهلمانی ل كهمپا دومیز
ژپێخهمهت باشكرنا ئاستێ خزمهتێن ساخلهمیێ ل كهمپا دومیز یێن كوردێن ئاوارهیێن كوردستانا روژئاڤا ئهڤرو شاندهك بسهروكاتیا د. بهختیار احمد بهرپرسێ پشكا تهكنیكی ل رێڤهبهریا گشتی یاخلهمیا دهوك سهرهدانا كهمپا ناڤبری كرن و نێزیك سهرهدانا ئهوی تیمێ نوشداری یێ ئهلمانی كرن , ژبو هاریكاریكرن و ههماههنگیا رێڤهبهریا گشتی ساخلهمیا پارێزگهها دهوك ئهڤ تیمه گههشتینه كهمپا ناڤبری و لڤان نێزیكا دێ دهستبكار بن د. بهختیار احمد بهرپرسێ پشكا تهكنیكی گوت : ئهڤه كهمپا دومیزه و ئهڤه بنگهههكێ ساخلهمیێ گهروكه بشێوهكێ خیڤهته و ژییێ رێكخراوا ( ASB ) یا ئهلمانییه كهل و پهلێن وان گههشتینه و نوكه دقوناغا دروسكرنێدانه , ئهڤ رێكخراوه یا خوبهخشه , ههروهسا لسالێن 1990 دا كارهكێ پیروز بو مللهتێ كورد كریه , ئهڤروژی دێ خزمهتێن ساخلهمیێ پێشكێشی خهلكێ مه یێن كوردێن ئاواره یێن كوردستانا روژئاڤا كهن .
ئهلێكس میس : رێكخهرێ رێكخراوا ناڤبری گوت : ئهم ئهڤرو لڤێره دئامادهینه لدیڤ داخوازی و ههماههنگا دناڤبرا مه و رێڤهبهریا گشتی ساخلهمیا پارێزگهها دهوك ژبو پێشكێشكرنا خزمهتێن ساخلهمیێ بو كهمپا دومیز و وهسادیاره كو رێژا ئاوارهیا بهرو زێدهبونڤهیه و بو پتر پشتهڤانیكرنا رێڤهبهریا ساخلهمیا دهوك و پتر خزمهتكرنا ڤی خهلكی و رێكخراوا ( MSF ) بو ماوێ 7 ههیڤا دێ خزمهتا ڤێ كهمپێ كهن ئهڤ تیمه وهك خزمهتێن رێڤهبریا ساخلهمیا دهوك كاركهن ئهڤ تیمه پێكهاتیه ژ رێكخهرهكی و نوشدارهكی و 6 كارمهند و پهرستارێن ساخلهمیێ , دگهل مهنه 7 خیڤهتێن مهزن و جهێ دیتنا نهخوشا و بهێنڤهدانا مه ژ ئهلمانیا ئینانیه بو خزمهتكرنا ڤی خهلكی , سوپاس بو خهلكێ كوردستانێ كو دهرگههێ خو بو مه و ئهڤان ئاوارهیا ڤهكری , رێكخراوا مه زور جها كاركریه لێ حكومهتا ههرێما كوردستانێ كارهكێ زور باش ئهنجام دایه و نهیا ئاسانه تو خزمهتهكا باش پێشكێشی ئاوارهیا بكهی ..