دهستهیهكا نوی بو كومهلا تهلاسیمیا
ئهڤرو ل هولا رێڤهبهریا گشتی یا ساخلهمیا پارێزگهها دهوك ب ئامادبونا دادوهر
( رزگار محمد حیدر ) و ( دیدار قاسم ) رێڤهبهرێ گشتی دهستهیا بالا یا كومهلا تهلاسیمیا ل ههڤلێرێ و نینهرێ پارێزگههێ و نهخوشێن تهلاسیمیا و سهمیانێن وان پشتی خواندنا چهند پهیڤا ژلایێ ئامادهبویاڤه دادوهری دهرگههێ ههلبژاردنێ ڤهكر و 10 كهسا خو ههلبژارتن و ب ئاوایهكێ دیموكراسیانه دهستهیهكا نوی هاته ههلبژارتن و (عبدالعزیز احمد ) كو 127 دهنگ بدهستخوڤه ئینانه و دگهل 5 كهسێن دی و 2 كهس وهك یهدهك هاتنه ههلبژارتن دهیكا زاروكهكێ گوت : ئهم وهكی سهمینێن ڤان زاروكا دهستهیا نوی پتر بحالێ ڤان بپرسن و چارهسهریێ بو بینن و ههمیان وهك ئێك سهرهدهریێ دهگهل بكهن , و نوشدارێن مه هێشتا ب دلوڤانی دگهل زاروكێن مه بن .
دهیكا نهخوشهكێ دی گوت : هیڤیه دهرگههێن بلند بقوتن و زاروكێن مه بهنێرنه ژدهرڤهی وهلاتی بو چارهسهریێ بهلكی ئهڤ نهخوشه چ دهما نانڤن و ههمی ژیانا وان یێ ب نهخوشخانێدا و ژیانا وان زور یا نهخوشه , هیڤیا مه ئهوه كو ئهڤ جاره خێرا مه ههمیا تێدا بیت . نهخوشهكی گوت : ئهم نێزیكی 700 نهخوشاینه هیڤیا مه ژ دهستهیا نوی ئهوه كو نوشدارێن باش بو مه بینن و ئهڤ نوشدارێن مه گهلهك دباشن لێ دكێمن . هیڤی و ئومێدێن ڤان زاروكا و ڤان نهخوشا كارێ ڤێ تهستهیا نویه , پێدڤی ب هاریكاری و پشتهڤانیا ههمی لایهنایه ..