تیمێ نوشدارێن ئه‌لمانی ده‌ست بكاربوو
هاتیه بلاڤکرن روژا جارشه‌مبێ, 14 چریا دووى 2012 - 12:40pm
.jpg)
رێڤه‌به‌ریا گشتی ساخله‌میا پارێزگه‌ها دهوكێ هه‌ماهه‌نگی دگه‌ل رێكخراوا (asb) یا ئه‌لمانی ژبو خزمه‌تكرنا ئاواره‌یێن كه‌مپا دومیز كوردێن رۆژئاڤایێ كوردستانێ رێكخراوا ناڤبری بنگه‌هه‌كێ ساخله‌میێ گه‌روك ,ئه‌ڤرو ده‌ست بكاربوو (ڤلوریان هاوكی) رێكخه‌رێ رێكخراوا ناڤبری گوت: ئه‌ڤ بنگه‌هه پێكهاتیه ژ نوژداره‌كا تایبه‌تمه‌ند یا نه‌خوشیێن ژن و زاروك بوونێ دگه‌ل شه‌ش كارمه‌ندێن ساخله‌میێ دێ بۆ ماوێ شه‌ش مه‌هان كار د ڤێ كه‌مپێ كه‌ین. كار د 24 ده‌مژمێراندا یا به‌رده‌وامه ,ئه‌گه‌رمه‌دیت ئاواره‌یێن ئه‌ڤێ كه‌مپێ به‌رڤ زێده بوونێ چوون دێ بنگه‌هه‌كێ دییێ ساخله‌میێ ب هه‌مان شێوه دانین ,ژووره‌كا ته‌نگاڤیا ,ژووره‌كا پێشوازیێ ,ژووره‌كا كونترول كرنا نه‌خوشان ,وه‌دیسان قایشه‌ك بونه‌خوشان دگه‌ل ده‌رمانخانه‌یه‌كێ.
د.نزار عسمه‌ت، رێڤه‌به‌رێ گشتیێ ساخله‌میا پارێزگه‌ها دهۆكێ ژی دیاركر كو ژ رۆژا ده‌ست ب كاربوونا تیمێ ناڤبری رێڤه‌به‌ریا گشتی یا ساخله‌میێ ل دهۆكێ هه‌ماهه‌نگی ل گه‌ل كریه و گۆت: هه‌ر ده‌رمانه‌كێ پێدڤی بیت دێ بۆ تیمی هێته دابینكرن دگه‌ل پێداویستیێن ساخله‌میێ و دیسان ترومبێله‌كا تایبه‌ت ب ساخله‌میا ددانان یا گه‌رۆك رۆژانه ل گه‌ل تیمێ ناڤبری كاردكه‌ت و ل گه‌ل ڤێ چه‌ندێ جهێ دانانا نه‌خۆشخانا گه‌رۆك ژلایێ مه بۆ هاتیه دابینكرن و چێكرن و ل دووڤ داخوازیێن وان پێدڤی بۆ دهێنه دابینكرن.
راگه‌هاندنا ساخله‌میا دهۆكێ
ئه‌ڤ مالپه‌ره فرێکه
