هه‌ردو شیره‌تكاریێن ژنان و زارۆبوونێ‌ چاڤا و ل نه‌خۆشخانا ئازادی دێ‌ هێنه‌ ڤه‌گوهاستن

ل حه‌فتیا بهێت هه‌ردو شیره‌كاریێن چاڤان و ژنان و زارۆبوونێ‌ ل نه‌خۆشخانا ئازادی یا فێركرنێ‌ بۆ نه‌خۆشخانه‌یێن نوو دێ‌ هێنه‌ ڤه‌گوهاستن.
دڤێ‌ ده‌ربارێ‌ دارێڤه‌به‌رێ‌ نه‌خۆشخانا چاڤا یا تایبه‌تمه‌ند ل دهۆكێ‌، د.محه‌مه‌د صالح حه‌مید دیاركر كو ل رۆژا  25/11/2012 شیره‌تكاریا چاڤان دێ‌ ل نه‌خۆشخانه‌یا چاڤا ل ته‌نشت ئاڤاهیێ‌ رێڤه‌به‌ریا گشتی یا ساخله‌میا پارێزگه‌ها دهۆكێ‌ ده‌ست ب كاربیت و دیاركر ژی وه‌كو ده‌ستپێك بۆ ده‌ست ب كاربوونا ڤێ‌ نه‌خۆشخانێ‌ ئه‌و دێ‌ ب شیره‌تكاریێ‌ ده‌ست پێ‌ بكه‌ن هه‌تا پشكێن دیتر ژی ده‌ست ب كاردبن.
رێڤه‌به‌را نه‌خۆشخانه‌یا ژنان و زارۆبوونێ‌ ل دهۆكێ‌ ، د.چنار مسته‌فا دیاركر كو ل هه‌مان رۆژ پشكا شیره‌تكاریا ژنان و زارۆبوونێ‌ ل نه‌خۆشخانه‌یا ئازادی ژ دێ‌ بۆ نه‌خۆشخانه‌یا وان ل به‌رامبه‌ر رێڤه‌به‌ریا كاره‌با دهۆكێ‌ هێته‌ ڤه‌گوهاستن و ل وێ‌ باوه‌رێ‌ ژی كو ل نێزیك ب ئێكجاری پشكا ژنان و زارۆبوونێ‌ ل نه‌خوشخانا ئازادی نه‌مینیت.