لیژنا بلندا ساخله‌میێ‌ ديڤچوون ل سه‌ر مرنا سێ‌ ژنان كر

د.نزار عسمه‌ت، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ دیاركر كو د كۆمبوونێ‌ دا دووڤچوون ل سه‌ر مرنا سێ‌ ژنان هاته‌ كرن ئێك ژوان ل ئاكرێ‌ بوویه‌ و دو ژی ل دهۆكێ‌ بوون كو دده‌مێ‌ دوگیانیێ‌ و چلكان دا گیانێ‌ خوه‌ ژ ده‌ست دابوو و حاله‌تێن وان ب به‌رفره‌هی هاتنه‌ شروڤه‌كرن و گۆت: ئارمانجا مه‌ ژ ئه‌نجامدانا ڤان كۆمبوونان كێمكرنا رێژا مرنا ژنانه‌.

رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ دیاركر ژی كو د كۆمبوونێ‌ دا خزمه‌تێن ساخله‌میێ‌ یێن بۆ وان ژنان به‌ری گیانێ‌ خوه‌ ژ ده‌ست بده‌ن هاتنه‌ به‌رچاڤكرن و خالێن لاواز ژی هاتنه‌ ده‌ستنیشانكرن و به‌حسكرن و گۆت: مه‌ هنده‌ك رێنما و راسپارده‌ ده‌رخستن ژوانژی پێگیركرن ب رێنمایێن كاری ل هۆلێن زارۆبوونێ‌.

هه‌روه‌سان بڕیار هاته‌ دان كو دو حاله‌تێن مرنێ‌ بۆ لیژنا زانستی بهێنه‌ هنارتن و ئه‌وژی رێنمایێن خوه‌ پێشكێشی رێڤه‌به‌ریا گشتی بكه‌ن و پێرابوون دێ‌ ل هه‌مبه‌ر لایه‌نێن كه‌مترخه‌می كری هێنه‌ وه‌رگرتن. داكو ئه‌ڤ جورێن سه‌رباركان كێم ببن و پتر خزمه‌تا ژنان بهێته‌ كرن.