قونسخانێ‌ وه‌لاتێ‌ ئه‌لمانیا سه‌ره‌دانا كه‌مپا دومیز كر

ب ئامادبونا حجی مسته‌فا ژ سه‌نته‌رێ‌ گه‌شه‌پێدانێ‌ ل پارێزگه‌ها دهوكێ‌ و د. نزار عصمت رێڤه‌به‌رێ‌ گشتی ساخله‌میا پارێزگه‌ها دهوكێ‌ , قونسخانێ‌ وه‌لاتێ‌ ئه‌لمانیا رولف ئولبریش ب هه‌ڤالینیا هارولد ستویش رێڤه‌به‌رێ‌ رێكخراوا ASB  ئه‌لمانی سه‌ره‌دانا كه‌مپا دومیز كرن و مه‌ره‌ما سه‌ره‌دانا شاندێ‌ ناڤبری ب هه‌لكه‌ڤتا دوماهیك ئینانا خزمه‌تێن رێكخراوا ناڤبری بو ئاواره‌ێن كه‌مپا دومیز  ل دوماهیێ‌ رێڤه‌به‌رێ‌ گشتی ساخله‌میا پارێزگه‌ها دهوكێ‌ چه‌ند دیاری پێشكێشی فونسلی و رێكخراوا ناڤبری كرن , رولف ئولبریش قونسخانێ‌ وه‌لاتێ‌ ئه‌لمانیا گوت : خوشحالم بو به‌شداریا مه‌ دڤان مه‌راسیمادا , ئه‌ڤه‌ سه‌ره‌دانا من یا 3 یه‌ بو پارێزگه‌ها دهوك , وه‌كی یا دیار كو رێژا په‌ناهه‌ندێن ڤێ‌ كه‌مپێ‌ یێن زور بوین , كاره‌كێ‌ زور باش دڤی ماوێ‌ كێمدا بو ڤان كه‌سا ژلایێ‌ خزمه‌تێن ساخله‌میێ‌ ڤه‌ بو هاتیه‌كرن , ئه‌ڤ رێكخراوه‌ ل ئه‌لمانیا ژ رێكخراوێن هه‌ره‌ مه‌زنه‌ و كاره‌كێ‌ پیروز ئه‌نجام ده‌ت ‌ مێژویا وێ‌ دزڤریت به‌ری 100 سالا , هه‌می خزمه‌تێن ساخله‌میێ‌ د ئاستێ‌ باش دابویه‌ , ئه‌م دئاگه‌هدارین لسه‌ر ره‌وشا وه‌لاتێ‌ سوریا ‌ كو بویه‌ شه‌ره‌كێ‌ ناڤخویێ‌ دناڤ سوریادا ‌ هیڤیه‌ بزویترین ده‌م ئه‌ڤ ئاریشه‌ چاره‌ بیت , لێ‌ تا نوكه‌ چ دیار نینه‌ , كارێ‌ حكومه‌تا هه‌رێما كوردستانێ‌ ببه‌رزی دنرخینین , وه‌سا یا دیاره‌ سه‌ره‌ده‌ری دگه‌ل ڤان ئاواره‌یا دهێته‌كرن وه‌ك وه‌لاتیه‌كی , ئه‌گه‌ر هاته‌ خاستن ژمه‌ كو به‌رده‌وامیێ‌ بده‌ینه‌ خزمتا دێ‌ دئاماده‌بین .
هارلد سویش رێڤه‌به‌رێ‌ رێكخراوا ناڤبری گوت : ئه‌ز ل سالا 1999 ل كوردستانێ‌ بوم لوی ده‌می سه‌روكێ‌ هه‌رێمێ‌ پرسیارا من كر كه‌نگی دێ‌ كاره‌كی وه‌لاتێ‌ ئه‌لمانیا بو كوردستانێ‌ ئه‌نجام ده‌ن وی ده‌می من په‌رسڤ نه‌بوو , ئه‌ڤرو ئه‌م قه‌ردارێن وێ‌ روژێنه‌ , ده‌ما ئه‌ڤ ئاریشه‌ بو وه‌لاتێن سوریا چێبوی مه‌ پرسیاركر لكیڤه‌ و چه‌وا دێ‌ خزمه‌تا وان كه‌ین , مه‌ دیت وه‌لاتێن ده‌وروبه‌رێن سوریا تنێ‌ كوردستان یا ئارامه‌ و مه‌ژی ڤێرێ‌ هه‌لبژارت , ئه‌م كوردستان مێژویه‌ك یا هه‌ی هه‌ر ژ سالا 1990 وه‌ره‌ , پشكداریا مه‌ ل سالا 1991 ل كه‌مێن توركیا خزمه‌ت مه‌بو كوردا پێشكێشكریه‌ , ره‌وشا كه‌مپێن توركیا گه‌له‌ك دخراب بون ئه‌گه‌ر به‌راوردیه‌كێ‌ بكه‌ین