لیژنێن هه‌ڤپشك ل زاخۆ و ئاكرێ بۆ پشكنینا كێم ئه‌ندامان دێ هێنه پێك ئینان
هاتیه بلاڤکرن روژا دوو شه‌مبێ, 10 کانونا بچیک 2012 - 5:57pm
ژبه‌ر زێده‌بوونا كێمئه‌ندامێم مۆچێ چاڤدێریا جڤاكی وه‌ردگرن و داكو ل ده‌مێ پێدڤی هه‌موو بهێنه پشكنینكرن و راپۆرتێن نوشداری بۆ بهێنه دان، رێڤه‌به‌ریا گشتی یا ساخله‌میا پارێزگه‌ها دهۆكێ و رێڤه‌به‌ریا گشتی یا چاڤدێریا جڤاكی ل دهۆكێ دێ لیژنێن هه‌ڤپشك پێك ئینن و لیژنێن تایبه‌ت ل زاخۆ و ئاكرێ ژی دێ هێنه دانان.
د.به‌ختیار ئه‌حمه‌د ره‌شید، رێڤه‌به‌رێ پشكا ته‌كنیكی ل رێڤه‌به‌ریا گشتی یا ساخله‌میا پارێزگه‌ها دهۆكێ دیاركر كو پشتی بڕیارا وه‌زاره‌تا كار و كارۆبارێن جڤاكی ده‌رباره‌ی دوباره پشكنینا كێمئه‌ندام و كه‌سانێن مووچێ چاڤدێریا جڤاكی وه‌ردگرن، و ژبه‌ر زێده‌بونا ژمارا وان ل سنورێ پارێزگه‌ها دهۆكێ، رێڤه‌به‌ریێن گشتی یێن ساخله‌میێ و چاڤدێ{یا جڤاكی ل دهۆكێ بڕیار دان لیژنێن تایبه‌ت ل ده‌ڤه‌رێن زاخۆ و ئاكرێ پێك بینن و بڕیاره ل حه‌فنتیا بهێت بكه‌ڤنه كاری و گۆت: ل دهۆكێ ژی ژمارا لیژنه‌یان دێ هێته زێده‌كرن داكو بشێن هه‌تا دووماهیا 3/2013 دوباره هه‌موو كێمئه‌ندامان پشكنین بكه‌ن.
د.به‌ختیار ئه‌حمه‌د دیاركر ژی كو دناڤا وان لیژنه‌یان دا كارمه‌ندێن چاڤدێریا جڤاكی ژی دێ هه‌بن و گۆت: ل زاخۆ و ئاكرێ كه‌سانێن په‌ككه‌فتی یێن چه‌سته‌ی و لڤینێ دێ شێن قه‌ستا لیژنێن وان ده‌ڤه‌ران كه‌ن، به‌لێ ئه‌وێن نه‌خوشیێن ده‌روونی و بیركولی هه‌بن پێدڤیه قه‌ستا لیژنا پزیشكی ل دهۆكێ بكه‌ن داكو كارێن وان ب دووماهی بهێن.
ئه‌ڤ مالپه‌ره فرێکه
