ب ههلكهفتا رۆژا ئالایێ كوردستانێ رێڤهبهریا كارۆبارێن خوپاراستنێ چهند كارمهندێن خانهنشینكری خهلاتكرن
رێڤهبهریا خۆپاراستنا ساخلهمیێ سهر ب رێڤهبهریا گشتی یا ساخلهمیا پارێزگهها دهۆكێ رابوو ب ساخكرنا رۆژا ئالایێ كوردستانێ و چهند كارمهندێن خانهنشینكری خهلاتكرن.
د.سیروان محهمهد ئهسوهد، رێڤهبهرێ كارۆبارێن خوپاراستنا ساخلهمیێ دیاركر كو ژبهركو چهند فهرمانبهران خزمهتهكا مهزن د وارێ خوپاراستنا ساخلهمیێ دا كریه و چهندین سالان د كاری دابووینه و ل ئهڤ ساله هاتینه خانهنشینكرن، لهورا وان ب گرنگی زانی كو د رۆژهكا پیرۆزا وهكو ئالایێ كوردستانێ دا رێزێ ل خزمهتا وان بگرن و گۆت: ئهڤ رێزلێنانه د بیرهوهریێن نهتهوهی دا دێ بهردهوام بیت، ژ پێخهمهت وێ چهندێ فهرمانبهر گرنگیا رۆژێن نهتهوهی بزانن.
گهلاڤێژ ئهحمهد، كو پتری 30 سالان خزمهت د وارێ خوپاراستنێ دا كریه و ئێك ژوان خانهنشین كریێن هاتینه خهلاتكرن بوو دیاركر، رێزگرتنا كارێ وان د رۆژهكا پیرۆز دا بوویه و گۆت: ب ڤێ رێزلێنانێ مه زانی كو سالێن كوور و درێژێن مه خزمهت كری بهرچاڤ هاتنه وهرگرتن، گهلاڤێژێ سوپاسیا ههڤالێن خوه یێن كاری كر و دیاركر ژی بۆ ههر پێدڤیهكێ ئهو دێ د خزمهتكرنا كهرتێ ساخلهمیێ دا بن.