39 كارمهندێن ساخلهمیێ دێ چنه ئوردن
ب مهرهما پێشكداریێ د خولێن جودا جودا یێن كارێن پهرستاریێ دا ژبۆ پێشڤهبرنا ئاستێ وان یێ كاركرنێ و ل سهر بودجا كارگێریا پارێزگهها دهۆكێ، رۆژا 20/12/2012 رێڤهبهریا گشتی یا ساخلهمیا پارێزگهها دهۆكێ 39 كارمهندێن ساخلهمیێ دێ هنێریته وهلاتێ ئوردن بۆ پشكداریێ دخولێن راهێنانێ دا.
د.نزار عسمهت تهیب، رێڤهبهرێ گشتیێ ساخلهمیا پارێزگهها پشتی كومبوونهك ل گهل پشكداربوویان ئهنجام دای دیاركر كو پێدڤیه هزرا پشكداربوویان پتر فێركربوون بیت و خوه ژ چو كاران نهدهنه پاش و خواست كو رهوشتێ كوردهواری بهێته پاراستن و ب رژدی پشكداریێ د خولێن راهێنانێ دا بكهن، دیسا خوه ژ شاشیان دوور بكهن و گۆت: ئهڤه جارا ئێكێ یه ب ڤێ هژمارێ كارمهند پشكداری خولێن دهرڤهی وهلاتی دبن كو ب شێوازێن پراكتیكی و تیوری ژلایێ زانكۆیهكا ژێهاتی كو یا ئێكێ یه ل سهر ئاستێ وهلاتێن عهرهبی وانه دێ بۆ هێنه گۆتن.
د.نزار عصمهت دیاركر ژی كو بریاره 120 كارمهند دوارێن پهرستاری و ئهندازهی دا پشكداری خولێن دو و سێ ههیڤی ل وهلاتێ ئوردن ببن كو ل دهمهكێ نێزیك دێ ژمارهیهكا دی یا كارمهندان هێته هنارتن.