شاندهكێ پارێزگهها دهۆكێ سهرا ئیسپانییا دا
ب مهرهما نێزیك هایداربوون ل سهر وان پێشكهفتنێن دوارێ نۆشداری و دهرمانسازی دا و چهوانییا بهرههمئینانا دهرمانان و ههروهسا شێووازێ كاركرنێ دناڤبهرا زانكۆ و كۆمپانیێن زانستی و كۆمهلگههێ دا ل وهلاتێ ئسپانییا شاندهكێ بلند سهرا ڤی وهلاتی كرن.
د. نزار عصمهت رێڤهبهرێ گشتیێ ساخلهمیا پارێزگهها دهۆكێ دياركر كو داخازنامهمیهكا فهرمی ژ ئالیێ كۆمپانییا سانی رێد یا ئسپانی بۆ پارێزگهها دهۆكێ و هاتبوو، ب سهرۆكاتییا د. فازل عومهر سهرۆكێ جڤاتا پارێزگهها دهۆكێ و رێڤهبهرێ گشتیێ ساخلهمییا پارێزگهها دهۆك و د. سهعهد عارف حهسهن دهرمانساز ل رێڤهبهرییا گشتییا ساخلهمیا پارێزگهها دهۆكێ و رێڤهبهری كۆمپانییا رۆژین فارما دناڤبهرا رۆژێ، 10 تا 17 مهها 12 یا سالا 2012 دا چۆینه وهلاتێ ئیسپانییا و كارێن شاندی لدووف پرۆگرامهكی رێكو دهستپێكر ل رۆژا 11 ی مههێ و سهرا سهرۆكاتییا زانكۆیا غرناته كر و ژ ئالیێ سهرۆك و جێگیرێن زانكۆیێ ڤه هات پێشوازیكرن، بهحسێ ههڤكاریێن جودا دناڤبهرا زانكۆیا ناڤهاتی و زانكۆیا دهۆك و ساخلهمیا دهۆكێ دا هاتهكرن ب تایبهت ژی ژ ئالیێ دهرمانسازی و نۆشداری دا و پاشی ب یاوهرییا جێگرێ سهرۆكێ زانكۆیێ سهرا پاركا زانستی یا غرناته هاتهكرن و لوێ ژی سمینارهك هاته پێشكێشكرن ل سهر پێكهاتێ پاركێ زانستی و پاشی سهرا نهخۆشخانهیا غرناته یا گشتی هاتهكرن و ب تایبهت ژی پشكا زاڕۆبوونێ و ل وێرێ بهحسێ هنارتنا نۆشدارێن دهكۆێ بۆ نهخۆشخانهیا ناڤهاتی هاتهكرن بۆ راهێنانێ و دیسا ژی بۆ مفا وهرگرتن ژ وارێن نۆشداریێن جودا.
ههر ل ئێڤارییا 11 ی مههێ سهرا لابورا زانستی و كارگهها كۆمپانییا سانی رێد هاتهكرن و ژنێزیك هاته دیتن كا دهرمانێن ئهمپۆل و ڤیال چهوا دهێنه دروستكرن و ههروهسا كانێ چهوا دهرمان دهێنه پێشئێخستن و نووكرن ل لابۆرا ناڤهاتی.
ل دووفدا شاندێ ناڤهاتی سهرهدانا مهدرید كر و ئێڤاری سهرا لابۆر و كارگهها ئهیپس كاپ دا و دهرمانێن كهبسۆلێن جیلاتینی دروست دكهن و هاته زانین كانێ چهوا ئهڤ جۆره دهرمانه دهێنه چێكرن.
ل رۆژا 13 مههێ سهرا پاركا زانستی یا مهدرید هاتهكرن و لوێرێ ژی شاندی تهماشهكره چهندین لابۆرا وهك ئهندازیاری یا ویراسی و كارگهها هێزا ئهتۆمی كرن و گهلهك مفا ژێ هاته وهرگڕتن، د ههمان رۆژدا سهرا سهنتهرێ ڤهكۆلینێن زانستی یێن ئێشێن دهگمهن هاتهكرن و كۆمبوونهك هاته سازكرن ل سهر ههبوونا دهلیڤهیا ههڤكاری ل سهر دروستكرنا ڤهكۆلینان.
ل رۆژا 14 مههێ سهرا باژێڕێ بهرشهلۆنه هاتهكرن دیسا ژی د چارچۆڤێ سهرهدانێ دا سهرهدانا پاركا زانستی یا بهرشهلۆنه هاتهكرن ل وێرێ ژی سمینارهك هاتبوو بهرههڤكرن ژ ئالیێ سهرۆكێ پاركێ ل سهر پێكهات و مفایێن پاركا زانستی و پاشی گهریانهك دناڤا لابور و كۆمپانیێن پاركێ دا هاتهكرن.
ههژییه بێژین سهربۆرا چێكرنا پاركێن زانستی كارهكی زانستی یێ گرنگه و مهرهم چێكرنا ڤان پاركان بۆ هندێ تو زانكۆ پتر نێزیكی جڤاكی بیت و خوه ل پێدڤیێن وێ بكهته خودان و ب رێكا كۆمپانییێ بجهـ بكهت، پارك جههكی تایبهته ژ چهندین تاقیگههێن ههمهجۆر پێك دهێت و چهندین ئامیرهیێن تاقیگههـ یێن پێشكهفتی تێدانه و ههروهسا چهندین نهۆم بۆ كۆمپانیا ههنه و گهنجێن وهلاتی تایبهتی یێن دهرچۆیێن زانكۆیێ دشێن كۆمپانییهكا زانستی دروست بكهن و ل وێ پاركێ جهێ خوه بكهن بۆ پێشڤهبرنا زانستی د وارێ دروستكرنا دهرمان و ئامیرهیێن نۆشداری و پێشهسازییا خوارنێ و ئاسنی و كهرستهیێن ئاڤاكرنێ و ... هتد، ههبوونا پاركا پشتهڤانییه بۆ زانكۆیێ و زانستی و ههروهسا پشتهڤانییه بۆ گهنجان و پهیداكرنا دهلیڤهیا كاری و بهێزكرنا ئابۆرێ وهلاتی.
دیتنا ههرسێ پاركێن زانستی ل ئیسپانییا تشتهك باشه و پهیرهوكرنا وێ ل ل كوردستانێ ب مهرجهكی دگهل كهتوارێ كوردستانێ بگونجیت زێدههییهكا باشه بۆ زانكۆیێ و كۆمهلگهها كوردستانێ و گهلهك دێ مفایی ژێ وهرگرن و گهلهك كۆمپانیێن زانستی ژی دێ ژێ مفاداربن و دێ گهلهك بسپۆر ژی پهیدابن و دێ رۆلهكێ كاریگهر ههبیت دگهشهكرنا كۆمهلگهها كوردستانێ دا.
ئارمانجا سهرهكی ژی ئهوبوو هاندانا كۆمپانیێن دهرمانان ل ڤی وهلاتی هبێته كرن بههڤكاری دگهل كۆمپانیێن كورد ل باژێڕێ دهۆكێ لابور و كارگههێن دهرمانان دروست بكهن و پیشهسازییا دهۆكێ پێش بێخن و مفایی ژ زانست و سهربۆرا وان بهێته وهرگڕتن.