رێڤه‌به‌رێ گشتیێ ساخله‌میا پارێزگه‌ها دهۆكێ دو رۆژان ده‌وام ل زاخۆ كر
هاتیه بلاڤکرن روژا ئه‌ینی, 11 کانونا مه‌زن 2013 - 1:01am
ژ بۆ دده‌ستنیشانكرن و چاره‌سه‌ركرنا ئاریشێن ده‌زگه‌هين و كارمه‌ندێن ساخله‌میێ ل زاخۆ، رێڤه‌به‌رێ گشتیێ ساخله‌میا پارێزگه‌ها دهۆكێ ل دووڤ به‌رنامه‌یه‌كی بڕیار دا دو رۆژان ده‌واما فه‌رمی ل قه‌زا زاخۆ بكه‌ت و هه‌موو نڤیسار و یاداشت و داخوازیێن وان ل به‌رچاڤ وه‌ربگریت.
د.نزار عسمه‌ت، رێڤه‌به‌رێ گشتیێ ساخله‌میا پارێزگه‌ها دهۆكێ دیاركر كو بڕیاردان بۆ ده‌وامكرنێ ل هه‌موو قه‌زایان ژبۆ دیتن و چاره‌سه‌ركرنا ئاریشان و ڤه‌كرنا سه‌نته‌رێن چاره‌سه‌ریێ ل جهێن پێدڤی ژ پرۆگرامێن وی بوویه و گۆت: د ده‌مێ ده‌وامكرنا مه ل رێڤه‌به‌ریا ساخله‌میا زاخۆ مه بڕیار دا ئه‌م نوژدار و كارمه‌ندێن ساخله‌میێ و رێڤه‌به‌رێن ده‌زگه‌هێن ساخله‌میێ جودا جودا ببینین، ل رۆژا ئێكێ 9/1/2013 تاراده‌یه‌كێ مه‌زن مه پرۆگرامێن خوه بجه ئینا و ڤه‌كرنا دو سه‌نته‌رێن راوێژكاری یێن ئێڤاریان كو هه‌موو خزمه‌تێن ساخله‌میێ دناڤدا هه‌بن بۆ ده‌ڤه‌را زاخۆ ژ پێتڤیه و هه‌ر ژ نوكه دێ كار ل سه‌ر ڤه‌كرنا وان كه‌ین.
رێڤه‌به‌رێ گشتیێ ساخله‌میا پارێزگه‌ها دهۆكێ د ده‌واما خوه یا ده‌ڤه‌را زاخۆ دا ژبلی ده‌زگه‌هێن ساخله‌میێ و دیتنا خه‌لكی، كومبوونه‌ك ل گه‌ل قایمقامێ قه‌زا زاخۆ ژی ئه‌نجامدا و تێدا گه‌نگه‌شه ل سه‌ر شێوازێ دانه‌كاری یا نه‌خوشخانا 200 زاخۆ و دامه‌زراندنا كارمه‌ندێن نوو ل ده‌ڤه‌رێ و چاوانیا چارسه‌كرنا ئاریشان هاته كرن.
د.قه‌ره‌نی سه‌عید، رێڤه‌به‌رێ ساخله‌میا زاخۆ ژی دیاركر كو ده‌وامكرنا رێڤه‌به‌رێ گشتیێ ساخله‌میا پارێزگه‌ها دهۆكێ بۆ بارسڤكیه‌ك بو كارێ وان و گۆت: ب هه‌بوونا پێنگاڤێن ب ڤی ره‌نگی پتریا ئاریشه‌یان دێ چاره‌بن و كارمه‌ند ژی دێ پتر هه‌ست ب به‌رسیاتیێ كه‌ن و دێ شێن ئاریشه یێن خوه گه‌هینن.
ئه‌ڤ مالپه‌ره فرێکه
