كومبونه‌كا به‌رڤره‌ه لدور كه‌مپا دومیز

ل باره‌گاریێ‌ رێكخراوا ( unhcr ) ل كه‌مپا ناڤبری كومبونه‌كا به‌رڤره‌ه ب ئاماده‌بونا شاندێ‌ نه‌توه‌یێن ئێگرتی ب سه‌روكا تیا خانم جاچكلین نوینه‌را سكرتێرێ‌ گشتی یێ‌ نه‌ته‌وێن ئێگرتی و به‌رپرسێن رێكخراوێن ب سه‌ر نه‌ته‌وێن ئێكگرتی ( رێكخراوا ساخله‌میا جیهانی , كوموسیونا بالا یا په‌نابه‌را و یونیسێڤ ,و خوارنا جیهانێ‌ و رێكخراوێن نه‌حكومی و نینه‌رێن ( رێڤه‌به‌ریا گشتی ساخله‌میا دهوك , كوچ وكوچبه‌ران , ده‌زگه‌هێ‌ بارزان یاخێرخوازی , په‌روه‌ردا پارێزگه‌هێ‌ , فاتما ئیندیاستی رێڤه‌به‌را نه‌ته‌وێن ئێگكرتی ئوفیسا پارێزگه‌ها دهوك گوت : ئه‌ڤ كومبونه‌ بمه‌ره‌ما گه‌نگه‌شه‌كرنا ئه‌وان ئاسته‌نگا یێن دكه‌ڤنه‌ درێكا پێشكێشكرنا ئه‌وان خزمه‌تا بو ئاواره‌ێن كه‌مپا دومیز پشتی كومبونا دگه‌ل رێزدار پارێزگه‌هێ‌ دهوكێ‌ كو مزگینیا ڤه‌كرنا خالا پێشابیر بفه‌رمی بریاره‌كا حكومه‌تا هه‌رێما كوردستانێیه‌ مه‌ره‌م ئه‌وه‌ كو گه‌هاندنا هاریكاریا بو خه‌لكێ‌ لێقه‌ومای ل وه‌لاتێ‌ سوریا و هه‌روه‌سا به‌رده‌وام وه‌رگرتنا په‌نابه‌را ل كه‌مپا دومیز , به‌رفره‌كرنا كه‌مپێ‌  ژلایێ‌ حكومه‌تا هه‌رێمێ‌ ڤه‌ . محه‌مه‌د عه‌بدولا حه‌مو رێڤه‌به‌رێ‌ كوچ وكوچبه‌را ل پارێزگه‌ها دهوك گوت : ئه‌م هه‌ر ژده‌ستپێكێ‌ وه‌كی تیمه‌ك كاری دكه‌ین هه‌تا نوكه‌ و هه‌ڤكاریه‌كا زور باش دناڤبه‌را مه‌دا هه‌یه‌ , لدیڤ و رێكه‌ڤتنا دناڤبه‌را مه‌ و واندا كارگێریا كه‌مپێ‌ برێڤه‌ دبه‌ین , هاریكاریا هه‌می لایه‌نێن په‌یوه‌ندیدار كاره‌كێ‌ زور باش و بێ‌ ئاریشه‌ یێ‌ رێڤه‌دچیت , هژمارا په‌نابه‌رێن توماركری لڤێ‌ كه‌مپێ‌ 53221 كه‌س  و هژمارا ئه‌وان په‌نابه‌را یێن برێكا خالا پارێزگه‌ها دهوكدا گه‌هشتینه‌ كوردستانێ‌ پتر ژ 78 هزار په‌نابه‌رن . د. خه‌لیل ئیسماعیل رێڤه‌به‌رێ‌ كه‌رتێ‌ ساخله‌میا سێمێل گوت : ئه‌ڤ شاندێ‌ ناڤبری كو دگه‌ل واندا رێكخراوا ( who ) بو دگه‌ل خو ئیناینه‌ چه‌ند كورسكێن په‌یكه‌ڤتیا وه‌ك دیاری پێشكێش كرینه‌ و لسه‌ر په‌یكه‌ڤتێن ڤێ‌ كه‌مپێ‌ هاتنه‌ دابه‌شكرن و چه‌ند ده‌رمانێن پێتڤی بو كه‌مپا ناڤبری ئیناینه‌ .