ساخلهمیا دهۆكێ رۆژنامهڤانان فێری راگههاندنا تایبهتمهند دكهت
ژبۆ راهێنان ل دۆر چاوانیا كاركرنا رۆژنامهڤانان دناڤ دام و دهزگههێن ساخلهمیێ دا، راگههاندنا ساخلهمیا پارێزگهها دهۆكێ بۆ دهمێ دو رۆژان كارێن پراكتیكی ل گهل پشكا رۆژنامهڤانی یا پهیمانگهها تهكنیكی كارگێری ل دهۆكێ ئهنجام دان.
رێڤهبهرێ راگههاندنا ساخلهمیا دهۆكێ دیاركر كو ئارمانج ژ ڤی كاری بهرفرههكرنا شیانێن قوتابیان بوو ل دۆر راگههاندنا تایبهتمهند و دیسا فێربوون ل دۆر چاوانیا كاركرنێ دناڤ دام و دهزگایێن ساخلهمیێ دا و چاوانیا دیاركرنا راستیێن كارێ ساخلهمیێ بۆ وهلاتیان و گۆت: قوتابیێن پشكا رۆژنامهڤانی شیان راپۆرتێن رۆژنامهڤانی ل سهر ههشت دهزگههان ئامادهبكهن و تێدا زێدهباری كارێ دهێته كرن ئاریشه و ئاستهنگێن وهلاتیان و ستافێ ساخلهمیێ ژی دیاربكهن و پاشی د روونشتنهكێ دا ل گهل رێڤهبهرێ گشتیێ ساخلهمیا پارێزگهها دهۆكێ و دیسا رێڤهبهرێ نهخۆشخانا ئازادی یا فێركرنێ ئهو ئاریشه هاتنه شروڤهكرن.
محهمهد عهلی ئهترووشی، ماموستایێ پشكا رۆژنامهڤانی دیاركر بیركرن بۆ ڤی پرۆژهی و ئامادهبوونا قوتابیێن پشكا رۆژنامهڤانی ل دام و دهزگایێن ساخلهمیێ خالهكا گرنگه بۆ پهیداكرنا پێناسینێ دبیاڤێ ساخلهمیێ دا و دیسا تایبهتمهندیا ڤهگوهاستنا پهیامێ و روودانان د چارچووڤێ ساخلهمیێ دا و گۆت: پێنگاڤێن ب ڤی رهنگی باوهریهكێ دێ پهیداكهن بۆ رۆژنامهڤانان و خواست كو هزر بهێته كرن رێڤهبهریێن دیتر ژی ب ڤی كاری راببن دا پتر نێزیكی وان گرفتان ببن ئهوێن دناڤ باژێرێ دهۆكێ دا ههین.