پۆلیسێن دهۆكێ‌ سێ‌ رۆژان دێ‌ ب هه‌وێن خوین به‌خشینێ‌ رابن

ل دووڤ داخوازیا كۆمه‌لا خوین به‌خشێن كوردستانێ‌ و به‌نكا خوینێ‌ ل دهۆكێ‌، هه‌موو ئه‌فسه‌رێن سه‌ر ب رێڤه‌به‌ریا پۆلیسێن دهۆكێ‌ ل رۆژا 21/1/2013 ده‌ست ب هه‌وه‌كا خوین به‌خشینێ‌ كر.
عه‌مید عیماد عه‌جیل هاریكارێ‌ رێڤه‌به‌رێ‌ پۆلیسێن دهوكێ‌ دیاركر كو هه‌موو ئه‌فسه‌رێن رێڤه‌به‌یا پۆلیسان بۆ خوین به‌خشینێ‌ بڕا ردا ل رۆژه‌كێ‌ كۆم ببن و خوینا خوه‌ ب به‌خشن و گۆت: ئه‌ڤ هه‌وه‌ دێ‌ بۆ ماوێ‌ سێ‌ روژان یا به‌رده‌وام بیت، وه‌كی كاره‌كێ‌ نه‌ته‌وایه‌تی و مروڤایه‌تی بۆ وان كه‌سان یێن تووشی نه‌خوشیا تالاسیمیا ل سنورێ‌ پارێزگه‌ها دهوكێ‌ بووین، ل روژێن بهێت هه‌موو كارمه‌ند و پولیسێن مه‌ دێ‌ ئاماده‌ بن بۆ ‌وئه‌نجامدانا ڤی كارێ‌ مرۆڤایه‌تی.
رائید شڤان محه‌مه‌د صالح, ئه‌فسه‌رێ‌ بنگه‌هێ‌ پولیسێن مالتایێ‌ دیاركر كو وان ل سه‌ر داخوازا كۆمه‌لا خوین به‌خشان ده‌ست ب ڤێ‌ هه‌وێ‌ كریه‌ و گۆت: ئه‌م هه‌ست دكه‌ین هه‌ر كه‌سێ‌ شیان هه‌بن بهێت بۆ ڤی كاێ‌ پیروز و مروڤایه‌تی پێدڤیه‌ ب ئه‌ركێ‌ خوه‌ راببیت و خوین خوه‌ ب به‌خشیت.
عه‌بدولره‌زاق صالح ئه‌ندامێ‌ لقی دهۆك یێ‌ كومه‌لا خوین به‌خشا دیار كر كو ئه‌و وه‌كی كومه‌لا خوین به‌خشا ده‌م بۆ ده‌می ب چه‌ند هه‌وێن خوین به‌خشینێ‌ رادبن ئه‌ڤجا چ  ب رێیا ده‌زكایێن تایبه‌ت یان یێن حكوومی بیت و گۆت: رۆژ ب رۆژ نه‌خوشێن تالاسیمیا زێده‌ دبن و ل سالا بۆری  نێزیكی 600 كه‌سان هه‌بوون ئه‌ڤ ساله‌ نێزیكی 800 نه‌خۆشان هه‌نه‌ و هنده‌ك ژ وان نه‌خوشان هه‌یڤێ‌ پێدڤی ب 3 بتلێن خوینێ‌ هه‌نه‌ و هه‌لبه‌ت دێ‌ مه‌ پتر پێدڤی ب خوینێ‌ بیت.