بۆ باشتر برێڤه‌برنا بنگه‌هێن ساخله‌میێ به‌رپرسێن وان پشكداری خوله‌كێ دبن
هاتیه بلاڤکرن روژا جارشه‌مبێ, 23 کانونا مه‌زن 2013 - 7:53pm
د چارچوڤێ به‌رنامێ چاڤدێرێیا ساخله‌مییا ده‌ستپێكێ ل ئیراقێ، رێڤه‌به‌رییا كاربۆبارێن خۆپاراستنا ساخله‌میێ سه‌ر ب رێڤه‌به‌رییا گشتی یا ساخله‌میێ ل پارێزگه‌ها دهۆكێ خۆله‌كێ لدور باشتر برێڤه‌به‌رنا بنگه‌هێن ساخله‌میێ بۆ به‌رپرسێن وان ل كه‌رتێ سێمێلێ یێ ساخله‌میێ ڤه‌كر.
د.وه‌فا سالح رۆشدی سه‌رپه‌رشتا خۆلا ناڤبری راگه‌هاند، ئه‌ڤ خۆله به‌رده‌وامی دانه ب پرۆژێ چاڤدێرییا ساخله‌مییا ده‌ستپێكی كۆ ژ ئالیێ رێكخراوا HIN1 یا ئه‌مریكی ب هه‌ڤكاری دگه‌ل رێڤه‌به‌ریا گشتی یا ساخله‌میێ ل پارێزگه‌ها دهۆكێ بۆ كه‌رتێ سێمێلێ هاتیه ڤه‌كر و گۆت: ل هه‌ر پارێزگه‌هه‌كێ كه‌رته‌كێ ساخله‌میێ ل ئیراقێ هاتییه ژێگرتن بۆ پرۆژه‌یێ ناڤبری ل پارێزگه‌ها دهۆكێ ژی كه‌رتێ سێمێلێ كه‌فتییه دڤی پرۆژه‌یدا.
د. وه‌فا دیاركر ژی، به‌رپرسێن هه‌ر 18 بنگه‌هێن كه‌رتێ ناڤبری نها پشكداری خۆله‌كا 5 رۆژی نه ل پارێزگه‌ها دهۆكێ لدور برێڤه‌به‌رنا بنگه‌هێن ساخله‌میێ ب باشترین شێوه كارێن بنگه‌ها برێڤه ببه‌ن و ببنه بنگه‌هێن نموونه‌ی، ئاماژه‌كر سمینار ژ ئالیێ سێ نوشدارێن مه دهێته برێڤه‌به‌رن كۆ بۆ ڤێ مه‌به‌ستێ هاتینه به‌رهه‌ڤكرن ژ ئالیێ رێكخراوا ناڤبری ڤه.
هه‌ژی گۆتنێ یه لسه‌رانسه‌ری ئیراقێ 360 بنگه‌هێن ساخله‌مێن هاتینه ده‌ستنیشانكرن بۆ پرۆگرامێ چاڤدێرییا ساخله‌مییا ده‌ستپێكێ و 18 ژ وانا ل پارێزگه‌ها دهۆكێ نه.
ئه‌ڤ مالپه‌ره فرێکه
