كارمهندێن نهخوشخانا ئازادی لسهر بهرهنگاربوونا ئهنفلوهنزایێ ئاگههداردبن
لدوڤ بهرنامێ هشیاركرنا وهلاتیان یێ رێڤهبهرییا گشتی یا ساخلهمیێ ل پارێزگهها دهۆكێ لسهر چاوانیا رێكێن بهرهنگاربوونا ڤایروسێ H1N1ب نهخوشیا ئهنفلوهنزا بهرازان دهێته نیاسین كۆ پێشتر ژ ئالیێ رێڤهبهرێ كاروبارێن خۆپاراستنا ساخلهمیێ هاتیه راگههاند سمینارهك بۆ كارمهندێن نهخۆشخانا ئازادی یا فێركرنێ هاتهگێران.
خانم مودركه سهرۆكا برینپێچان ل نهخوشخانا ئازادی د سمینارا خۆ دا بهحسێ بهرنامێ ساخلهمیێ ل پارێزگهها دهۆكێ بۆ بریپێچ و كارمهندێن نهخوشخانێ لدور چاوانیا بهرهنگاربوونا نهخۆشیا ناڤبری دیاركر، ههروهسان د دڤێ سمینارێ دا بهحسێ رێكێن ڤهگۆهاستنێ و چاوانیا خۆپاراستنێ ژ ڤێ نهخۆشیێ بۆ ئامادهبوویان شرۆڤهكر و رێكێن سهرهدهریێ دگهل ههر حالهتهكێ نهچاڤهرێكری بۆ كارمهندێن نهخوشخانێ بهرچاڤكرن.
دهێته زانین د چارچووڤێ بهرنامێ هشیاركرنا ولاتیان لسهر رێكێن خۆپاراستنێ لسهر ڤایرۆسێ ناڤبری دهست ب ههوا هشیاركرنێ دناڤ ناوهندێن خواندنێ و وهلاتیان دا دهستپێكرییه.