رێكخراوا UNHCR خزمه‌تێن ساخله‌میێ ل كه‌مپا دومیز بلند نرخاندن
هاتیه بلاڤکرن روژا ئێک شه‌مبێ, 27 کانونا مه‌زن 2013 - 10:18pm
.jpg)
به‌رپرسێ نوو یێ رێكخراوا unhcr ل پارێزگه‌ها دهوك خزمه‌تێن ساخله‌میێ یێن ل كه‌مپا ئاواره‌یێن كوردێن سوریێ هاتینه ئه‌نجامدان ب بلند نرخاندن.
رێڤه‌به‌رێ گشتی یێ ساخله‌میێ ل پارێزگه‌ها دهۆكێ د. نزار عصمت دوهی پێشوازی ل به‌رپرسێ نوو یێ رێكخراوا unhcr ل پارێزگه‌ها دهوك كر، د روونشتنه‌كێدا به‌حسێ ره‌وشا كه‌مپا دومیز ژ ئالیێ ساخله‌میێ ڤه و ئه‌و خزمه‌تێن دهێنه پێشكێشكرن هاته‌كرن.
د . به‌ختیار ئه‌حمه‌د رێڤه‌به‌رێ پشكا ته‌كنیكی ل ساخله‌مییا دهۆكێ دیاركر، پشتی ده‌ست ب كاربوونا به‌رپرسێ نوی یێ رێكخراوا ناڤبری و بۆ ژ نێزێك هایداربوون لسه‌ر ره‌وشا كه‌مپا دومیز و پتر خورتكرنا په‌یوه‌ندیان و ژ بو باشتركرنا خزمه‌تێن كه‌رتێ ساخله‌میێ بو كه‌مپێ ئه‌ڤ سه‌ره‌دانه هاتبوو ئه‌نجامدان.
زێده‌تر گۆت: به‌رپرسێ نوو یێ رێكخراوا په‌نابه‌ران سوپاسیا ساخله‌مییا دهۆكێ كر بو هه‌ڤكاریا روژانه بو پێشڤه‌برنا خزمه‌تێن ساخله‌میێ دناڤ كه‌مپا دومیز دا و دیاركر، ساخله‌مییا دهۆكێ به‌رهه‌ڤیێن خۆ دیاركرن بۆ پێشكێشكرنا خزمه‌تێن ساخله‌میێ ل سنورێ پارێزگه‌هێ.
ئه‌ڤ مالپه‌ره فرێکه
