ساخلهمیا دهۆكێ دێ گرنگیهكا تایبهت ب پهنجهشێرێ دهت
ب ههلكهفتا رۆژا جیهانی یا پهنجهشێرێ كو دكهڤیته رۆژا 4/2/2013 رێڤهبهریا گشتی یا ساخلهمیا پارێزگهها دهۆكێ و ل ژێر درووشمێ پێكڤه دێ ههڤرَكیا پهنجهشێرێ كهین دی گرنگیهكا تایبهت ب نهخۆشیا پهنجهشێرێ هێته دان.
د.ئیلهام حاجی، بهرپرسا یهكا پهنجهشێرێ ل رێڤهبهریا گشتی یا ساخلهمیا پارێزگهها دهۆكێ دیاركر كو ل رۆژا جیهانی یا پهنجهشێرێ ئهو دێ چهند سمینارێن زانستی ل د ههموو جورێن پهنجهشێرێ سازكهن و تێدا رێكێن كونترۆلكرنا نهخۆشیێ و سهرباركێن ژ ئهنجام پهیدادبن و چاوانیا كێمكرنا رێژا مرنێ ژئهگهرێ ڤێ نهخۆشیێ دێ دیاركهن و گۆت: ل ڤێ رۆژێ دیسا دێ سهرهدانا نهخۆشێن پهنجهشێرێ كهین و دیاریان ل سهر بهلاف كهین.
د.ئیلهام دیاركر ژی دێ پشتهڤانی بۆ پرۆژێ سندووقا خێرخوازی هێته كرن و خهلك هێته هاندان پتر هاریكاریێ ل گهل نهخۆشێن پهنجهشێرێ بكهن و گۆت: برَیاره ل دهستپێكا مهها نیسانێ كونفرانسهكێ زانستی یێ جیهانی ل دۆر نهخۆشیا پهنجهشێرێ ب پشكداریا ژمارهكا مهزن یا شارهزا و بسپورێن جیهانی دێ هێته كرن.