قوتابیێن دهۆكێ دێ پشكداریێ د بهریكانا ساخلهمیا جیهانی دا كهن
رێكخراوا ساخلهمیا جیهانی ب ههلكهفتا رۆژا ساخلهمیا جیهانی دێ ب بهریكانهكێ ل سهر ئاستێ رۆژههلاتا ناڤین رابیت بۆ ههلبژارتنا باشترین وێنێ شێوهكاری كو گرێدای نهخۆشیا فشارا خوینێ بیت و قوتابیێن ژیێ 8-18 سالیێ ل ههرێما كوردستانێ ژی دێ پشكداریێ د بهریكانێ دا كهن.
د.نورهدین عهبدوللا حهمدی، رێڤهبهرێ بنگههێ زانین یێ ساخلهمیا قوتابخانا دیاركر كو رێكخراوا ساخلهمیا جیهانی ب ههلكهفتا روژا ساخلهمیا جیهانی بۆ سالا 2013 و بۆ ئهڤ ساله دێ قوتابیێن ههرێما كوردستانێ شێن ب وێنهیێن شێوهكاری پشكداریێ د بهریكانهیا وان یا زانستی دا كهن و گۆت: بابهتێ هاتیه دهستنیشانكرن ل دۆر بلندبوونا فشارا خوینێ یه و ئارمانج ژ ههلبژارتنا ڤی بابهتی ئهوه كو نهخوشیا بلندبوونا فشارا خوینێ ئاریشهكا ب مهترسی یه و ژ ههر سێ كهسان ئێك تووش دبیتێ و دبیته ئهگهر كو تووشی جهلتێن دلی و مێشكی ژی ببن و دیسا راوهستیانا گولچیسكا و كورهبوونێ و گهلهك نهخۆشیێن دی.
د.نورهدین عهبدوللا ئاماژه دا كو پشكداربوونا قوتابیان دێ بیته ئهگهرێ بلندكرنا هوشیاریا ساخلهمیێ و كێمكرن و دووركهفتن ژڤێ نهخوشیێ و گۆتژی: قوتابیان ماف ههیه ههر كارهكێ گرێدای ب ڤی بابهتی ڤه رهوانهی رێڤهبهریا چالاكیێن قوتابخانان ل سنۆرێ خو بكهن و ل دووماهیێ ههموو دێ ل دهف مه كۆم بن و هنێرینه وهزارهتا ساخلهمیێ.
دیسا دیاركر كو ههتا دووماهیا ههیڤا بهێت ئهو دێ بهرههمێن قوتابیان وهرگرن و پێنج سهركهفتیێن ئێكێ ل سهر ئاستێ رۆژههلاتا ناڤین دێ هێنه خهلاتكرن.