دو ئامیرێن نوو ل تاقیگه‌ها ساخله‌میا گشتی هاتنه‌ دانان

دو ئامیرێن نوو بۆ ئه‌نجامدانا پشكنینان ل تاقیگه‌ها ساخله‌میا گشتی ل دهۆكێ‌ ب هاریكاریا رێڤه‌به‌ریا گشتی یا ساخله‌میا پارێزگه‌ها دهۆكێ‌ هاتنه‌ دانان و ئێدی نه‌خۆشێن تالاسیمیا بۆ ئه‌نجامدانا پشكنینان ناچنه‌ ده‌رڤه‌ی وه‌لاتی.
د.به‌یره‌م داوود ئه‌حمه‌د، رێڤه‌به‌رێ‌ تاقیگه‌ها ساخله‌میا گشتی ل دهۆكێ‌ دیاركر كو كارێ‌ ئێك ژوان ئامیره‌یان ڤاڤارتنا هیموگلۆبینێ‌ خوینێ‌ یه‌ بۆ نه‌خۆشێن تالاسیمیا كو به‌ری نوكه‌ ئه‌و پشكنین ل ده‌رڤه‌ی وه‌لاتی دهاته‌ كرن، به‌لێ‌ ژبه‌ركو ژماره‌كا زور یا نه‌خۆشێن تالاسیمیا ل دهۆكێ‌ هه‌نه‌ و ره‌نگه‌ ئه‌نجامدانا پشكنینان بۆ وان كاره‌كێ‌ ئاسان نه‌بوویه‌، له‌ورا ب پشته‌ڤانیا رێڤه‌به‌ریا گشتی یا ساخله‌میا پارێزگه‌ها دهۆكێ‌ ئه‌و ئامیره‌ هاته‌ دابینكرن.
د.به‌یره‌می دیاركر ژی كو ئامیری دوێ‌ دبێژنێ‌ (HPLC) كو بۆ پشكنینا كه‌رستێن گرانه‌ دناڤ خوینێ‌ دا و گۆت: ب كه‌هشتنا هه‌ردو ئامیره‌یان دێ‌ كارێ‌ مه‌ ئاسانتر لێ‌ هێت و پتر خزمه‌تكرنا نه‌خۆشان دبیاڤێ‌ ئه‌نجامدانا پشكنینان دا هێته‌ كرن، نه‌مازه‌ كو كارمه‌ندێن مه‌ یێن تاقیگه‌هێ‌ شاره‌زایه‌كا باش وه‌رگرتیه‌ پشتی كو پشكداری خولێن راهێنانێ‌ ل دۆر چاوانیا ب كارئینانا وان بووین.
هه‌روه‌سان گۆتژی: نوكه‌ ئه‌م پشكنینێن به‌كتریولوژی ب رێیا ده‌ستی دكه‌ین و هه‌لبه‌ت ژی ده‌مه‌كێ‌ درێژ ئه‌ڤ پشكنینه‌ دمینن هه‌تا ئه‌نجام ده‌ركه‌ڤن، مه‌ یێ‌ داخوازكری ئامیره‌كێ‌ پێشكه‌فتی د ڤی واری دا بگه‌هیته‌ مه‌ و ئه‌م چاڤه‌رێینه‌ ل نێزیك بگه‌هیت.