رێكخراوه‌ك خوه‌ ل ده‌روونیا زارۆیێن په‌نجه‌شێرێ‌ و تالاسیمیا دكه‌ته‌ خودان

رێكخراوا ACORN یا هوله‌ندی یا نه‌حكوومی ل سالێن نۆتان چه‌ند پرۆژه‌ ل پارێزگه‌ها دهۆكێ‌ ئه‌نجامدابوون، نوكه‌ كار دپاراستنا ده‌روونیا زارۆیێن تووشی نه‌خۆشیا په‌نجه‌شێرێ‌ و تالاسیمیایێ‌ دا دكه‌ت.
كاسی وه‌كو هه‌ڤكارا رێكخراوا ACORN یا هوله‌ندی بۆ دیاركر كو وان شه‌ش كه‌سان ژ رێكخراوێ‌ خوه‌ ته‌رخانكریه‌ داكو ده‌روونیا زارۆیان ب پارێزن و حه‌فتیانه‌ دو رۆژان ل سه‌نته‌رێ‌ ژین یێ‌ نه‌خۆشیێن په‌نجه‌شێرا خوینێ‌ و تالاسیمیا ئه‌و ب ڤی كاری رادبن و گۆت: ئارمانجا مه‌ ژ پرۆگرامی ئه‌وه‌ زارۆیێن نه‌خۆش هه‌ست ب خوشیێ‌ بكه‌ن و پشتی چاره‌بوونێ‌ ژ نه‌خۆشیێ‌ تووشی ئالوزیێن ده‌روونی نه‌بن كو ببنه‌ بارگرانی ل سه‌ر خێزانێن خوه‌.
هه‌روه‌سان دیاركر ژی كو ئه‌و گه‌له‌ك وانه‌یێن پراكتیكی وه‌كو فێركرنا كارێن ده‌ستی و شێوه‌كاریێ‌ پێشكێشی نه‌خۆشان دكه‌ن و گۆتژی: ل ده‌مێن پێدڤی و داكو دلینی پتر دناڤ زارۆیان دا یا به‌رده‌وام بیت ئامیرێ‌ میوزیكێ‌ بۆ زارۆیان دهێته‌ ژه‌نین و صرۆگرامێ‌ پاراستنا ده‌روونیا زارۆیان ژلایێ‌ رێكخراوا ئه‌كورن یا هوله‌ندی ڤه‌ دێ‌ به‌رده‌وام بیت بۆ ده‌مه‌كێ‌ نه‌دیار، كاسیێ‌ خواست كو هنده‌ك كه‌س ژلایێ‌ ده‌زگه‌هێن ساخله‌میێ‌ بهێنه‌ ده‌ستنیشانكرن و راهێنانێ‌ ل گه‌ل وان بكه‌ن داكو ل پاشه‌رۆژێ‌ رۆژانه‌ وانه‌یێن ده‌روونی پێشكێشی زارۆیێن نه‌خۆش بكه‌ن.