هوشیاریا ئه‌نفلوه‌نزایێ‌ و سوركا دناڤ ئافره‌تان و فێرخواز دهێته‌به‌لاڤكرن

ب مه‌ره‌ما هوشیاركرنا وه‌لاتیان لسه‌ر هه‌ردو نه‌خۆشیێن ئه‌نفلوه‌نزایێ‌ و سوركا، خوپاراستنا ساخله‌مییا دهۆكێ‌ به‌رده‌وامه‌ لسه‌ر هه‌وا ره‌وشه‌نبیری یا دناڤ ته‌خێن فێرخواز، ئافره‌تان، لاوان و رێكخراوێن جه‌ماوه‌ری دا دهێته‌ ئه‌نجامدان.
د.سه‌گڤان حه‌سه‌ن ژ رێڤه‌به‌رییا كاروبارێن خوپاراستنا ساخله‌مییا دهۆكێ‌ ناڤبری گۆت: دڤێ‌ هه‌وا ره‌وشه‌نبیری دا به‌حس ل هه‌ر ئێك ژ نه‌خۆشیێن سوركا و به‌رسیڤا به‌رزان دهێته‌كرن و تێدا لسه‌ر رێكێن به‌ربه‌لاڤبوونا وێ‌  د راوه‌ستین زێده‌باری ده‌ستنیشانكرنا رێكێن خوپاراستنی ژ ڤێ‌ نه‌خوشیێ‌ و دیاركر، ئارمانجامه‌ ژ گێرانا سمینارێن ناڤبری ئه‌وه‌ وه‌لاتی خو پارێزیت بۆ هندێ‌ نه‌خۆشیێن سوركا و ئه‌نفلوه‌نزایێ‌ به‌ربه‌لاڤ نه‌بن.
زێده‌تر گۆت: دوهی دگه‌ل ئێكه‌تیا ئافره‌تێن كوردستانێ‌ ئه‌نجومه‌نێ‌ قه‌زا دهۆكێ‌ سمیناره‌ك بۆ هه‌ژماره‌كا ئافره‌تان هاته‌ سازكرن بۆ هندێ‌ ئه‌و شیره‌ت و رینومایێن ساخله‌میێ‌ بگه‌هینه‌ مالێن خو، ب ئارمانجا پاراستنا گیانێ‌ وه‌لاتیێن مه‌ ژ هه‌ر نه‌خۆشییه‌كێ‌.
رێڤه‌به‌رییا گشتی یا ساخله‌مییا پارێزگه‌ها دهۆكێ‌ توماركرنا چه‌ندین حاله‌تێن نه‌خۆشییا سوركا به‌ری نوكه‌ ل كه‌مپا دومیز راگه‌هاندبوو.
ژ ئالیێ‌ خوڤه‌ وه‌زاره‌تا ساخله‌مییا هه‌رێمێ‌ پێشتر راگه‌هاندبوو، چه‌ند حاله‌تێن نه‌خۆشییا به‌رسیڤا به‌رازان ل پارێزگه‌ها سلێمانیێ‌ هاتبوونه‌ توماركرن، بو به‌رسینگرتنا وێ‌ ژی وه‌زاره‌تێ‌ لسه‌رانسه‌ری هه‌رێمێ‌ ده‌ست ب هه‌وێن ره‌وشه‌نبیری و خوپاراستنێ‌ دناڤ ته‌خێن وه‌لاتیاندا كرییه‌.