32 پرۆژه‌یێن ساخله‌میێ ل ژێر بجهئینانێ نه
هاتیه بلاڤکرن روژا ئه‌ینی, 15 شوات 2013 - 12:58am
د ئه‌ڤ ساله‌دا دێ ده‌ست ب ئاڤاكرنا سێ نه‌خۆشخانه‌یان ل دهۆكێ هێته كرن
رێڤه‌به‌رێ گشتی یا ساخله‌میا پارێزگه‌ها دهۆكێ دیاركر بۆ ئه‌ڤ ساله 32 پرۆژه ل ژێر بجهئینانێ نه و گۆت: نه‌خۆشخانا ژنان و زارۆبوونێ و نه‌خۆشخانا په‌نجه‌شێرێ و نه‌خۆشخانا به‌رده‌ره‌ش نوكه د قۆناغێن راگه‌هاندنێ دانه و ل ده‌مه‌كێ نێزیك دێ ده‌ست ب ئاڤاكرنا وان هێته كرن.
د.نزار عسمه‌ت، رێڤه‌به‌رێ گشتیێ ساخله‌میا پارێزگه‌ها دهۆكێ دیاركر كو ل سه‌ر بۆدجێ حكوومه‌تا هه‌رێما كوردستانێ و دیسا ژ بۆدجا گه‌شه‌پێدانا هه‌رێمان و پارێزگه‌ها دهۆكێ نوكه 32 پرۆژه ل ژێ{ بجهئینانێ نه و ژوانژی ئاڤاكرنا نه‌خۆشخانه‌یه‌كا 300 ته‌ختی یا ژنان و زارۆبوونێ ب كوژمێ 84 ملیار دیناران كو د قۆناغا راگه‌هاندنێ دایه و ل به‌ره 20ێ ڤێ هه‌یڤێ بهێته ئێكلاكرن و د مه‌ها ئادارا ئه‌ڤ ساله‌دا ده‌ست پێ بهێته كرن، دیسا دیاركر ژی كو بڕیار بوو نه‌خۆشخانه‌یه‌كا 50 ته‌ختی ل ده‌ڤه‌را به‌رده‌ره‌ش ب كوژمێ 18 ملیار دیناران بهێته دانان، لێ ژبه‌ركو ئه‌و نه‌خۆشخانه دل یا بچووك بیت له‌ورا مه بڕیار دا نه‌خۆشخانه ببیته 100 ته‌ختی و مه داخوازا 18 ملیارێن دیتر كریه بۆ پرۆژه‌ی، ل گه‌ل ڤان هه‌ردو نه‌خۆشخانا نه‌خۆشخانه‌یه‌كا تایبه‌ت یا 100 ته‌ختی بۆ نه‌خۆشێن په‌نجه‌شێرێ ب كوژمێ 39 ملیار دیناران د قۆناغێن راگه‌هاندنێ دانه كو ئه‌وژی ژ 50 ته‌ختی بوویه 100 ته‌ختی و مه دو نوشدارێن تایبه‌تمه‌ندێن په‌نجه‌شێرێ ل وه‌لاتێ بریتانیا بانگه‌وازكرن دا بووچۆنێن خوه ل سه‌ر نه‌خۆشخانێ بده‌ن و ب باشترین شێوه خزمه‌تا نه‌خۆشێن په‌نجه‌شێرێ بكه‌ت و گۆت: 11 بنگه‌هێن ساخله‌میێ ژ جورێن A,B,C ژی ب كوژمێ دورێن 20 ملیار دیناران بۆ ده‌ڤه‌رێن ( ته‌ناهی، گوندێ پێبزنێ، نزاركێ، گوندێ خاستو ژێری، ناحیا سنوونێ، دوپردان و كومه‌لگه‌ها گرێ گامێش، كومه‌لگه‌ها خلێخ، ناحیا بجێل و گوندێ زنگنان ل قه‌زا به‌رده‌ره‌ش) نوكه ل ژێر بجهئینانێ نه و كار د هنده‌كان دا هاتیه كرن و بۆ ئه‌ڤ ساله دێ هه‌موو ب دووماهی هێن.
د.نزار عسمه‌ت دیاركرژی ژبلی ڤان پرۆژه‌یان دێ خانی بۆ نوژدانان و كارمه‌ندێن ساخله‌میێ ل ناڤ ده‌زگه‌هێن ساخله‌میێ دهۆك و ئامێدیێ هێنه ئاڤاكرن و كارگه‌ها ئوكسجینی ل ئامێدیێ دێ هێته دانان و چه‌ندین ده‌زگه‌هێن ساخله‌میێ دێ هێنه به‌رفره‌هكرن و نووژه‌نكرن و گۆت: كوژمێ 298،916،288،000 ملیار دینارێن عیراقی بۆ ڤان پرۆژه‌یان هاتینه ته‌رخانكرن.
ئه‌ڤ مالپه‌ره فرێکه
