كادرهكێ تایبهت د وارێ ساخلهمیێ دا بۆ قهیرانان هاته بهرههڤكرن
ساخلهمییا پارێزگهها دهۆكێ بۆ ههیاما 4 رۆژان ب ههڤكارییا رێكخراوا UNFPA چهندین كادرێن سازیێن حوكمهتێ و رێكخراوێن مرۆڤایهتی بۆ دهمێ قهیرانا و چهوانیا گههاندنا خزمهتێن ساخلهمی بۆ لێقهومییان كادرهكێ تایبهت بهرههڤكر.
رێڤهبهرییا گشتی یا ساخلهمیێ ل پارێزگهها دهۆكێ ب ههڤكاری دگهل رێكخراوا UNFPA بو ماوهیێ 4 رۆژان رابوو ب سازكرنا وركشووپهكێ بۆ پهیداكرنا كادرهكێ تایبهت د وارێ ساخلهمیێ دا لدهمێ پهیدابوونا قهیرانان بتایبهت ژی بابهتێن توندوتیژیا سكسی و ساخلهمییا ژدایكبوونێ بۆ كهسێن لێقهومایی، دوهی د رێ و رهسمهكێ تایبهت دا ئهڤ خۆله ب دوماهیك هات.
د. سهروهر سادق نوونهرێ رێڤهبهرێ گشتیێ ساخلهمیێ ل پارێزگهها دهۆكێ دیاركر، ساخلهمییا دهۆكێ ل ههر روودانهكا و پێشهاتهكا نوو بهرههڤبوویه خزمهتێن ژێك جودا پێشكێش بكهت و گۆت: دگهل دانا كهمپا دۆمیز ساخلهمیێ ههموو پێدڤیێن وهلاتییان ژ ئالیێ دابینكرنا دهرمان و كادری ساخلهمیێ بو بهرههڤكریینه و بهردهوامین لسهر وان خزمهتكرنا وان.
ژ ئالیێ خوه ڤه نوونهرێ رێكخراوا UNFPA ئاماژه ب وان كارێن ههڤپشكێن دگهل ساخلهمییا دهۆكێ كر ب مهرهما خزمهتكرنا ئاوارهیێن كهمپا دۆمیز.
ههژی گوتنێ یه ل دوماهییا ووركشوپا ناڤبری باوهرنامهیێن راهێنهریێ لسهر پشكداران بهلاڤكرن