حوكمه‌ت دێ‌ پتر لسه‌ر پشكنینا ژێده‌رێن ئاڤێ‌ ل پارێزگه‌هێ‌ راوه‌ستیت

سازیێن حوكمه‌تێ‌ ل پارێزگه‌ها دهۆكێ‌ ل سه‌ر چاوانییا هه‌ماهه‌نگیێ‌ لسه‌ر وه‌رگرتنا نموونه‌یێن ئاڤێ‌ و پشكنینا وان ب رێكێن زانستیانه‌ ووركشوپه‌كێ‌ سازدكه‌ن.
رێڤه‌به‌رییا ژینگه‌هێ‌ ل پارێزگه‌هێ‌ دوهی وورك شوپه‌ك ب هه‌ڤكارییا رێڤه‌به‌ریێن ئاڤا ده‌وربه‌رێن پارێزگه‌ها دهۆكێ‌ و كاروبارێن خوپاراستنا ساخله‌میێ‌ سازكر و تێدا به‌حسێ‌ نووترین رێكێن زانستیانه‌ لسه‌ر پشكنینا ئاڤێ‌ دانه‌ دیاركرن.
د. سیروان محه‌مه‌د ئه‌سوه‌د رێڤه‌به‌رێ‌ كاروبارێن خوپاراستنا ساخله‌میێ‌ راگه‌هاند، ئه‌ڤ وورك شوپه‌ بو هندێ‌ یه‌ پتر هه‌ماهه‌نگی دناڤبه‌را سازیێن حوكمه‌تێ‌ یێن گرێدایی ژێده‌رێن ئاڤێ‌ براوه‌ستێن بو هندێ‌ باشترین شێوه‌ نموونه‌یێن ئاڤێ‌ بهێنه‌ وه‌رگرتن و پشكنینێن لسه‌ر شه‌نگسته‌كێ‌ زانستیانه‌ بو بهێنه‌كرن ب مه‌ره‌ما په‌یدا كرنا ئاڤه‌كا پاقژ.