بو كونترۆلكرنا نه‌خوشییا سوركا هه‌وه‌كا ڤاكسینێ دێ ده‌ستپێكه‌ت
هاتیه بلاڤکرن روژا سێ شه‌مبێ, 19 شوات 2013 - 9:15am
رێڤه‌به‌رێ كاروبارێن خوپاراستنا ساخله‌میێ ل پارێزگه‌ها دهۆكی َدوهی راگه‌هاند، ژ بو كونترولكرنا نه‌خوشییا سوركا ل پارێزگه‌ها دهۆكێ هه‌وه‌كا ڤاكسیندانانی َل سه‌رجه‌م قوتابخانێن بنه‌ره‌ت دێ ده‌ست پێكه‌ت.
د. سیروان محه‌مه‌د ئه‌سوه‌د دیاركر، ل تا نها زێده‌تری 50 حاله‌تێن نه‌خۆشییا سوركا ل كه‌مپا ئاواره‌یێن كوردێن سووریێ ل دومیز هاتینه تۆماركرن و دیاركر، دگه‌ل ده‌ركه‌تنا وان حاله‌تا ساخله‌میێ ب رژدی كاركرییه و شیایه وی َنه‌خۆشیێ كونترول بكه‌ت.
ناڤهاتی زێده‌تر گۆت: ژ به‌ر ڤێ چه‌ندێ ساخله‌مییا دهۆكێ دێ رابیت ب ئه‌نجامدانا هه‌وه‌كا ڤاكسیندانانێ دژی نه‌خۆشییا سوركا و سوركا تێكه‌ل ل هه‌موو خواندنگه‌هێن پارێزگه‌هێ.
ژ ئالیێ خۆ ڤه د. لوما حازم سه‌رپه‌رشتا هه‌وا ڤاكسیندانانێ ل پارێزگه‌ها دهۆكێ گۆت: هه‌موو زترۆیێن ل قوناغا ئێكێ بنه‌ره‌ت تا شه‌شێ بنه‌ره‌ت دێ هێنه ڤاكسیندان و تیمێن ساخله‌میی َدێ بو ماوێ 10 رۆژان ل هه‌موو خواندنگه‌ها گه‌رن بو ڤێ مه‌ره‌مێ و دیاركر، تیمێن هاتینه به‌رهه‌ڤكرن بو ڤی َهه‌وا ڤاكسیندانانێ 218 و ل رۆژا 23 ی ڤی َمه‌هێ دێ هه‌وا ناڤبری ده‌ستپێكه‌ت.
ناڤهاتی خواست وه‌لاتی د هاریكاربن دگه‌ل تیمێن وان بو كونترولكرنا نه‌خشییا ناڤبری ل پارێزگه‌هێ.
ئه‌ڤ مالپه‌ره فرێکه
