نه‌خوشیێن سوركا و ئه‌نفلوه‌نزا بو كادرێن لیژنا ئازادی دهێنه به‌حسكرن
هاتیه بلاڤکرن روژا پێنج شه‌مبێ, 21 شوات 2013 - 6:54pm
د چارچووڤێ وان سمینارێن هشیاریێ یێن دهێنه گێران لسه‌ر هه‌ردوو نه‌خوشیێن سوركا و ئه‌نفلوه‌نزایێ ل پارێزگه‌ها دهۆكێ، ساخله‌میێ سمیناره‌ك بو كادرێن لیژنا ناوچا ئازادی یا پارتی ل سه‌نته‌رێ پارێزگه‌هێ پێشكێش كر.
دڤێ سمینارێ دا ب به‌رهه‌ڤبوونا به‌شیر به‌روشكی به‌رپرسێ لبژنا ناوچا ئازادی و ژماره‌كا كادر و رێكخستیێن وێ، د.سیروان محه‌مه‌د ئه‌سوه‌د رێڤه‌به‌رێ كاروبارێن خوپاراستنا ساخله‌میێ ل پارێزگه‌ها دهۆكێ به‌حسێ هه‌ردوو نه‌خۆشیێن سوركا و ئه‌نفلوه‌زایێ و مه‌ترسیێن به‌ربه‌لاڤبوونا وان نه‌خۆشییا كر، ئاماژه‌دا چاوانیا رێكێن ڤه‌گوهستنا وان و هه‌روه‌سا رێكێن سه‌ره‌ده‌ری كرنێ و خوپاراستنێ بۆ ئاماده‌بوویان ب زانستیانه شروڤه‌كرن.
د ته‌وه‌ركێ دیێ سیمنارا خۆ دا د. سیروان محه‌مه‌د به‌حسێ هه‌وا ڤاكسیندانێ یا كو ل روژا 23 شواتێ ده‌ستپێدكه‌ت بو ماوه‌یێ 10 رۆژان ل هه‌موو قوتابخانه‌یێن پارێزگه‌هێ كو دێ ڤاكسینا دژی نه‌خۆشییا سوركا قوتابیێن ئێكێ تا شه‌شێ بنه‌ره‌ت وه‌رگرن .
ل دوماهیێ ژی ئاماده‌بوویان چه‌ندین پرسێن گرێدایی هه‌ردوو نه‌خۆشیێن ناڤبری ئاراسته‌كرن.
ئه‌ڤ مالپه‌ره فرێکه
