ل ئاكرێ رێ و رهسمێن ههوا ڤاكسیندانا دژی سۆركا دهستپێكرن
ب مهرهما كونترۆلكرنا نهخۆشیا سۆركا، دوهی 24/2/2013 ل قوتابخانا سهروهری یا بنهڕهتی و ب ئامادهبوونا قایمقامێ قهزا ئاكرێ و ژمارهكا نوونهرێن دام و دهزگایێن ساخلهمی و پهروهردێ ب رێڤهچوون.
د.سیروان محهمهد ئهسوهد، رێڤهبهرێ كارۆبارێن خوپاراستنا ساخلهمیێ دیاركر، ژبهر دیاربوونا چهند حالهتێن نهخۆشیا سۆركا ل كهمپا دومیز ئهوا ب گرنگی زانی د ڤی ههوێ دا زارۆیێن 6-12 سالی، ئانكو ژ قۆناغا ئێكێ ههتا شهشێ بنهرهتی ڤاكسین بدهن و گۆت: ڤاكسیندانا سۆركا دهێته هژمارتن ئێك ژ ڤاكسینێن سهرهكی ل ههموو وهلاتێن جیهانێ، و دهێته هژمارتن چارهسهریا سهرهكی بو خو پاراستن ژ نهخوشیا سوركا لهورا قۆناغ بۆ قوناغێ ئهم ڤاكسینان ددهینه ههموو زارۆیان.
د.بهشیر تهها، رێڤهبهرێ ساخلهمیا ئاكرێ دیاركر كو سۆرك نهخۆشیهكا ب مهترسی نه و زوو دهێنه ڤهگوهاستن و ههتا نوكه ژی نهخۆشیا سۆركا ژ ئهگهرێن سهرهكی یێن مرنا زارۆكانه ل سهرانسهری جیهانێ و ژبهركو د سالێن بۆری دا وهكو پێدڤی گرنگی ب ڤاكسینێن زارۆیان نههاتبوو دان لهورا یا باش ئهوه ههر دهم بۆ دهمی ههوێن نیشتمانی بۆ كونترولكرنا نهخۆشیا سۆركا ههبن.
ههوا ڤاكسیندانێ دژی نهخۆشیا سۆركا ل رۆژا 23ێ شواتێ دهستپێكریه و بۆ دهمێ 10 رۆژان دێ یا بهردهوام بیت و تێدا تیمێن ساخلهمیێ دێ سهرهدانا ههموو قوتابیێن بنهرهت كهن ب مهرهما ڤاكسیندانا 100% یا قوتابیان داكو ب شێوهیهكێ بهرفرهه بهێته كونترۆلكرن.