ساخلهمیا بارزان سێ تهنێن دهرمانان بۆ كهمپا دومیز كرنه دیاری
رێڤهبهریا ساخلهمیا بارزان سێ تهنێن دهرمانان وهكو پشتهڤانی بۆ ئاكنجیێن كهمپا دومیز كرنه دیاری و دوهی 6/3/2013 ئهو دهرمان گههاندنه كوگههێن دهرمانان ل سێمێلێ.
د.ههوار عهبدوللا,رێڤهبهرێ ساخلهمیا بارزان بۆ رۆژنامهیا ئهڤرۆ دیاركر كو ئهو ب ئهركێ خوه دزانن وهكو ستافێ ساخلهمیا بارزان و ب ههڤكاریا رێڤهبهریا گشتی یا ساخلهمیا پارێزگهها دهوكێ خزمهتان پێشكێشی ئاوارهیێن دومیز بكهن و گۆت: دناڤ وان سێ تهنێن دهرمانان دا گهلهك جورێن دهرمانان ههنه كو خهلكێ ئاواره مفای ژێ وهربگرن وهكو دهرمانێ، ئێشكێمكرنێ و ههودانان و رێژهیهكا باش یا شرۆبێن زارۆیان، ژبهركو د ڤی دهمی دا نهخۆشیێن ب ڤی جوری ل ناڤ خهلكی ههنه و ل دووڤ پێدڤیا وان دێ دهرمان هێنه دابینكرن بۆ ئاوارهیێن رۆژئاڤایێ كوردستانێ.
د سهرهدانهكێ داژی بۆ رێڤهبهریا گشتی یا ساخلهمیا دهۆكێ هاتنه پێشوازیكرن ژلایێ د.نزار عصمهت رێڤهبهرێ گشتیێ ساخلهمیا پارێزگهها دهۆكێ و د روونشتنهكێ دا ههردو ئالیان ههڤكاریا خوه بۆ پشتهڤانیكرنا كهمپا ئاوارهیێن رۆژئاڤایێ كوردستانێ دیاركر.