دو نوژدارێن كوردستانا روژئاڤا چاره‌سه‌ریا په‌نابه‌رێن كه‌مپا دومیز دكه‌ن

رۆژ ب رۆژ دگه‌ل زێده‌بوونا په‌نابه‌رێن كوردێن رۆژئاڤایی كوردستانێ‌ ل كوردستانێ‌ و ب تایبه‌ت ل كه‌مپا دومیز پتر پێدڤی ب هاریكاریێ‌ هه‌نه‌ و نها ژی دو نوژدارێن كورد كو ئاكنجیێن وه‌لاتێ‌ سوێدن خزمه‌تا خه‌لكێ‌ خوه‌ ل كه‌مپا دومیز دكه‌ن.
د.خورشید ئیبراهیم,بسپورێ‌  نوشداریا مالێ‌ دیار كر، ئه‌و بۆ جارا سیێ‌ یه‌ سه‌ره‌دانا كه‌مپا دومیز دكه‌ت و جارا ئێكێ‌ ل گه‌ل تیمه‌كێ‌ نوژدارێن ئه‌لمانی هاتبوو و جارا دوێ‌ ئه‌و و هه‌ڤژینا خوه‌ هاتبوون و ڤێ‌ جارێ‌ ژی ئه‌و و نوشداره‌كێ‌ دی كو ئه‌و ژی  هه‌ر نوشدارێ‌ مالێیه‌ هاتینه‌، و گوت: ئه‌ڤه‌ به‌ری سێ‌ رۆژان هاتینه‌ و ئه‌ڤه‌ سێ‌ جاره‌ ب ده‌زگه‌هێ‌ بارزانی یێ‌ خیرخوازی ئه‌م دهێنه‌ كوردستانێ‌ .ئه‌م سه‌ر بلندین كو ده‌زگه‌هه‌كێ‌ ب ڤی شێوه‌ی ل كوردستانێ‌ هه‌یه‌ كو هاریكاریا په‌نابه‌رێن كوردێن رۆژئاڤایێ‌  كوردستانێ‌ دكه‌ن و ب هه‌ڤكاریا رێڤه‌به‌ریا گشتی یا ساخله‌میا دهۆكێ‌ ئه‌م به‌رده‌وامیێ‌ ب خزمه‌تا خوه‌ دده‌ین.
د.خورشیدی ئه‌و چه‌ند ژی گۆت: مه‌ سێ‌ تیمێن دی ئاماده‌ كرینه‌ كو ب رێیا  یه‌كه‌تیا نوشدارێن كورد ل سوێدێ‌ هه‌ڤكاریا وان هاتیه‌ كرن و گروپه‌كێ‌ دی كو ل چوار نوشدارا پێك دهێت ل حه‌فتیا بهێت و گروپه‌كێ‌ دی ئێكێ‌ هه‌یڤا بهێت دێ‌ هێنه‌ كوردستانێ‌.