سمیناره‌ك ل نه‌خوشخانه‌یا ئازادی ل دور چه‌وانیا سه‌ره‌ده‌ری كرن دگه‌ل كه‌سێن نه‌خوشیا شه‌كری هه‌ی ده‌مێ بریندار دبن هاته پێشكێش كرن
هاتیه بلاڤکرن روژا پێنج شه‌مبێ, 7 ئادار 2013 - 9:28am
ل روژا چوارشه‌مبی 6\3 ل ده‌مژمێر 12:30 ل هولا سمینارا ل نه‌خوشخانا ئازادی، سمیناره‌ك بۆ كارمه‌ندێن نه‌خوشخانێ هاته پێشكێشكرن ژ لایێ په‌رستارێ شاره‌زا ل پشكا ته‌نگاڤیا دل و هناڤا بژار یاسین و هاریكارا نوشداری سوعاد فازل، ل دور سه‌ره‌ده‌ریكرنا كارمه‌ندێ نه‌خوشخانێ دگه‌ل وان نه‌خوشێن نخوشیا شه‌كرێ هه‌ی ده‌مێ بریندار دبن ب هه‌ر برینه‌كا هه‌بیت، پشتی ژ لایێ نوشدارێ تایبه‌تمه‌ندڤه دهێته پشكنین كرنك كانێ دێ چه‌وا برینێن وی هێنه ده‌رمان كرن.
دڤێ سمینارێدا سێ حاله‌تێن سه‌ره‌كی هاتنه به‌حسكرن ژ وان حاله‌تێ ئێكێ، ده‌مێ پیێن وان دهێنه بریندار دبن و نه‌خوشیا شه‌كرێ هه‌بیت، حاله‌تێ دووێ، ئه‌و كه‌سێن برینێن وان د درێش و دیسان نه‌خوشیا شه‌كری هه‌بیت، حاله‌تێ سێ، ئه‌و كه‌سێن نه‌خوشیێن گران هه‌بن وه‌ك شێرپه‌نجێ دیسان نه‌خوشیا شه‌كرێ هه‌بیت دێ كونه‌كێ ل كێله‌كا وی هێته ڤه‌كرن.
ل دوماهیێ په‌رستارێ شاره‌زا ل پشكا ته‌نگاڤیا دل و هناڤا بژار یاسین دیاركر: مه‌ره‌م ژ ڤێ سمینارێ زێده‌كرنا پێزانینا بۆ ل ده‌ڤ كارمه‌ندێ ساخله‌میێ ده‌مێ كه‌سه‌كێ نه‌خوشیا شه‌كرێ هه‌بیت بریندار دبیت كانێ كارمه‌ند دێ چه‌وا ده‌رمان كه‌ت، بژار یاسین دیار ژی كر: ئه‌ف سمیناره دێ دبه‌رده‌وام بن و دێ بۆ هه‌می پشكێن نه‌خوشخانێ هێنه پێشكێشكرن داكو كارمه‌ندێ مه باشتر ب كارێ خور ابیت و چ گرفتاری بۆ په‌یدانه بن و هه‌روه‌سا دا نه‌خوشێن مه‌ژی ب رێكێن زانستی و سه‌رده‌میانه بهێنه چاره‌سه‌ر كرن.
ئه‌ڤ مالپه‌ره فرێکه
