پتر ژ ملیاره‌ك و 500 سه‌د ملیون دیناران ل نه‌خۆشێن گولچیسكان هاتینه مه‌زاختن
هاتیه بلاڤکرن روژا پێنج شه‌مبێ, 7 ئادار 2013 - 12:24pm
رێڤه‌به‌ریا گشتی یا ساخله‌میا پارێزگه‌ها دهۆكێ ل رۆژا شه‌مبیا بهێت دێ ده‌ست ب چه‌ند بزاڤان كه‌ت بۆ ساخكرنا رۆژا جیهانی یا گولچیسكان و تێدا گرنگترین كار و خزمه‌تێن ساخله‌میێ د بیاڤێ گولچیسكان دا دێ هێنه به‌رچاڤكرن.
د.نزار عسمه‌ت، رێڤه‌به‌رێ گشتیێ ساخله‌میا پارێزگه‌ها دهۆكێ دیاركر كو ل سالا 2012 ب پشته‌ڤانیا حكوومه‌تا هه‌رێما كوردستانێ ئه‌و شیاینه پتر ژ ملیاره‌ك و 500 ملیون دیناران ژ بو نه‌خوشێن گولچیسكان ب مه‌زێخن و گۆت: ئه‌ڤ چه‌نده جیاوه‌زیه‌كا مه‌زنه ل گه‌ل سالێن بوری ژبه‌ركو مه هه‌موو هه‌ول دان كو ده‌رمان و پێدڤی ب ساناهی بگه‌هنه نه‌خۆشان و ل ده‌زگه‌هێن ساخله‌میێ ب خوه بۆ هاتینه دابینكرن.
د.نزار عسمه‌ت ئه‌وژی دیاركر كو د سالا 2012 هه‌موو نه‌خۆشێن گولچیسك چاندنێ كه‌تینه د پرۆژێ نشته‌رگه‌ریێن نیڤ تایبه‌ت دا و حكوومه‌تێ بۆ هه‌ر نه‌خۆشه‌كێ 1600 دولار مه‌زاختینه و بۆ ڤێ چه‌ندێ 117 ملیون دینار وه‌ك هاریكاری بۆ نشته‌رگه‌ریێن ئێڤاریان ( نیڤ تایبه‌ت) هاتینه مه‌زاختن و دیسا ب پشته‌ڤانیا سه‌رۆكێ حكوومه‌تا هه‌رێما كوردستانێ 32 ملیون و دووسه‌د هزار دینار هاریكاری بۆ چوارده نه‌خوشێن كێم ده‌رامه‌ت ئه‌وێن پێدڤی ب چاندنا گولچیسكان بووین هاتینه دان و 42 ملیون دینار بۆ 21 نه‌خۆشێن تووشی په‌نجه‌شێرا گولچیسكا وه‌ك هاریكاری هاتینه مه‌زاختن و گۆتژی: هاتیه پێشنیازكرن بۆ حكوومه‌تا هه‌رێما كوردستانێ كو هه‌ر كه‌سه‌كێ گولچیسكه‌كا خوه پێشكێشی ناسیاره‌كێ خوه بكه‌ت حكوومه‌ت كوژمێ ملیونه‌ك و 500 هزار دیناران وه‌كو هاریكاری پێشكێشی وان بكه‌ت وه‌كو پشته‌ڤانی بۆ وان كه‌سان.
ئه‌ڤ مالپه‌ره فرێکه
