ب ههلكهفتا رۆژا جیهانی یا ئافرهتان نهخوشخانا ئافرهتا و زارۆكبوونێ ل دهۆكێ هاته ڤهكرن
ژ پێخهمهت پتر خزمهتكرنا ئافرهتان، ب چاڤدێریا پارێزگهرێ دهۆكێ و ب ههلكهفتا رۆژا جیهانی یا ئافرهتان و ب ئامادهبوونا بهرپرسێ لقێ ئێك یێ پارتی دیموكراتی كوردستان و سكرتیرا ئێكهتیا ئافرهتێن كوردستانێ ل رۆژا 8/3/2013 نهخۆشخانا ئافرهت و زارۆكبوونێ هاته ڤهكرن.
د رێ و رهسمێن ڤهكرنێ دا، د.فازل عومهر، نوونهرێ پارێزگهرێ دهۆكێ دیاركر كو ئهڤه ب دههان ساله دهۆك چاڤهرێی نهخوشخانهیهكا ب ڤی رهنگی و ههردهم رێزهكا تهختا ب تنێ ههبوویه بۆ زارۆبوونێ و ئاریشا ساخلهمیا دهۆكێ ژی ئهوبوویه نهخوشخانهكا تایبهت وهكو ههموو پارێزگههێن دی نهبوویه و گۆت: ئهڤه ژ بێ پلانا ساخلهمیێ بوویه و پێدڤی بوو پشتی نهخوشخانا تهنگاڤیان مه ئێكسهر هزر ل ئاڤاكرنا نهخوشخانهیهكا زارۆبوونێ كربا و ههكه ل دهستپێكێ گرنگی ب دایك و زارۆیا نههێته دان دێ ئاریشه پهیدابن و خواست كو ئهڤ نهخوشخانه ببیته دهرگهههكێ گرنگیدانێ ب ئافرهتان.
د.چنار مستهفا ئامێدی، رێڤهبهرا نهخوشخانا ئافرهت و زارۆبوونێ دیاركر كو ژ مافێن سهرهكی یێن ئافرهتانه جههكێ ههژی بۆ پێشكێشكرنا خزمهتێن نوشداری و ساخلهمی ههبیت دگهل پاراستنا نهێنیێن وان و گۆت: ڤهكرنا ڤێ نهخۆشخانێ پێنگاڤهكه بهرب ب چهسپاندنا ڤی مافی.
رێڤهبهرا نهخۆشخانێ دیاركر ژی ل دهمێ پلان بۆ نهخوشخانێ هاتیه دانان پێدڤیهكا ب لهز بوو و پشتی دو سالا ژنوو مهته كاری و گۆتژی: رۆژانه 60-70 زارۆیان ل نهخوشخانێ ژ دایك دبن و 20-30 نشتهرگهریان دهێنه كرن، بهلێ ئافرهتێن دهۆكێ پێدڤی ب جههكێ بهرفرههتر و باشترن و گۆت: جهێ خوشحالیێ یه كو نهخۆشخانا 300 تهختی یا زارۆكبوونێ ل نێزیك دێ هێته ئاڤاكرن و دێ دیاریهكا ژ ههژی بیت بۆ ئافرهتێن دهۆكێ.