ههوهكا ڤاكسیندانێ دژی نهخۆشیا فالنجا زارۆیان دێ دهستپێكهت
بڕیار ئهوه ههوهكا ڤاكسیندانێ ب دو گهران دهستپێ بكهت و ههموو زارۆیێن ئێك رۆژی ههتا پێنج سالی تێدا بهێنه ڤاكسیندان.
د. موعتهز محهمهد عهباس رێڤهبهرێ پروگرامێن ڤاكسیندانێ ل وهزارهتا ساخلهمیا عیراقێ بۆ دیاركر كو ژ سالا 2000وهره چو حالهتێن نهخۆشیا فالنجا زارۆیان ل عیراقێ و ههرێما كوردستانێ نههاتینه تۆماركرن و گوت: ئهڤه ژ ئهنجامێ وێ چهندێ یه كو سالانه ب دو قوناغان ههوێن ڤاكسیندانێ و ب شێوهیهكێ رێكخستی دهێنه ئهنجامدان.
د.موعتهز دیاركر ژی ههوا داهاتی دێ ل سهرانسهری عیراقێ ب دو گهران هێته كرن و گۆت: گهرا ئێكێ ل رۆژا 31/3/2013 دێ دهستپێكهت و بۆ دهمێ پێنج رۆژان دێ یا بهردهوام بیت و دیسا گهرا دوێ ژ رۆژێن 5-9/5/2013 دێ ڤهكێشیت و تێدا پێنج ملیون زارۆیێن ئێك رۆژی ههتا پێنج سالی دێ هێنه ڤاكسیندان و تیمێن ڤاكسیندانێ مال ب مال دێ گهرن داكو بشێن ئارمانجا خوه بجهبینن.
دیاركر ژی كو نهخوشیا فالنجا زارویان ژوان نهخۆشیێن ڤایروسی یه كو دبیته ئهگهرێ پهككهفتنێ و دیسا مرنێ ژی و گۆت: گرنگترین ژێدهرێن ڤێ نهخوشیێ ئاڤ و خورانێن پیسن و ڤاكسیندان دێ بهرگریهكا تمام بۆ زاروی پهیداكهت.