ساخلهمی كار بو دروستكرنا لیژنهیێن ههڤپشكیا جڤاكی دكهت
ساخلهمییا پارێزگهها دهۆكێ ب ههڤكاری دكهل رێكخراوا USAID یا ئهمریكی بهرههڤیێن دروستكرن و ئهكتیڤكرنا لیژنهیێن ههڤپشكییا جڤاكی د وارێ ساخلهمیێ دا ل پارێزگههێ دكهت.
رێڤهبهریا كاروبارێن خوپاراستنا ساخلهمییا دهۆكێ ب ههڤكارییا رێكخراوا گهشهپێدانا ئهمریكی دوهی رابوو ب ڤهكرنا وورك شوپهكا سێ رۆژی بو ژمارهیهكا ستافێ ساخلهمیێ ل سنورێ دهڤهردارییا سێمێلێ، تێدا 25 نوشدار و كارمهندێن ساخلهمیێ پشكدارن، د. حهسهن حسێن رێكخهرێ رێكخراوا ناڤبری راگههاند، دروستكرنا لیژنهیێن ساخلهمیێ و برۆگرامێ ههڤپشكییا جڤاكی نها لسهرانسهری ئیراقێ دهستبكاربوویه و ل ههر پارێزگهههكێ كهرتهكێ ساخلهمیێ هاتیه دهستنیشانكرن بۆ پهیرهوكرنا بهرنامهیێ ناڤبری.
دیاركرژی، دڤی بهرنامهی دا 360 بنگههێن ساخلهمیێ ل ههموو ئیراقێ پشكدارن بۆ هندێ دێ ب چ شێوه خهلكی پشكدار كهین د دانانا پلان و بجهئینان و دوڤچوونا وان خزمهتێن دهێنه ژ ئالیێ بنگههێن چاڤدێرییا ساخلهمییا دهستپێكێ ڤه دهێنه پێشكێشكرن و گۆت: ژ نها پێدا دێ دوڤچوونا ڤی بهرنامهی هێته كرن بۆ هندێ وهلاتی زێدهتر پشكدار ببیت و ههڤپشك بیت د خزمهتێن ساخلهمیێ دا ل سنوورێ خۆ جهییا خۆ.
ژ ئالیێ خۆ ڤه د. نهسرین حهمهرهش بهرپرسا هوبا پشگیرییا ساخلهمیێ ل پارێزگههێ گۆت: دروستكرنا لیژنهیێن ساخلهمیێ و ههڤپشكییا جڤاكی نه تشتهكێ نوویه بهلكو پێشتر ههبوینه ب شێوازهكێ دی كار دهاته ئهنجامدان، لێ بۆ هندێ زێدهتر خزمهتا وهلاتیێ مه بهێتهكرن نها بهرنامه دێ ل سنورێ كهرتێ سێمێلێ یێ ساخلهمیێ هێته پهیرهوكرن.
ههژی گۆتنێ یی پێشتر ژی ههمان خۆل بۆ هژمارهیهكا دی یا ستافێ ساخلهمیێ ل كهرتێ سێمێلێ هاتبوو ڤهكرن.