رۆژا جیهانی یا نهخۆشیا سلێ ل كهلهكچی هاته گێران
ل كومهلگهها كهلهكچێ سهر ب سهر قهزا شێخان ڤه رۆژا جیهانی یا نهخۆشیا سلێ ب چهند چالاكیان هاته ساخكرن.
د.عهبدولرهحمان ئیسلام، رێڤهبهرێ سهنتهرێ ئێشا زراڤ ل دهۆكێ دیاركر كو سالانه ئهو ب ههلكهفتا رۆژا جیهانی یا نهخۆشیا ئێشا زراڤ ب چهند چالاكیان رادبن و گۆت: ل ڤێ رۆژێ ل كومهلگهها كهلهكچێ چهند سمینار هاتنه پێشكێشكرن ل دۆر چازانیا خوپاراستنێ ژ نهخۆشیێ و ئهگهرێن پهیدابوونا وێ.
دیاركر ژی كو ئارمانج ژ ساخكرنا ڤێ بیرهوهریێ هشیاركرنا خهلكی یه ل دۆر نهخۆشیێ ژبهركو نوكه سێتكا خهلكێ جیهانێ تووشی نهخۆشیێ بووینه.
رێڤهبهرێ سهنتهرێ ئێشا زراڤ ل دهۆكێ دیاركر كو ل سنورێ پارێزگهها دهۆكێ ژی ئهڤ نهخۆشیه د زێدهبوونێ دایه و گۆت: دۆرێن 200 نهخۆشان ل دهۆكێ ههنه و نوكه ئهم ل دووڤ چهند پرۆگرامان كاردكهین وهكو پرۆگرامێ نههێلانا نهخۆشیا سلێ كو ئهم ل گهل نوشداران ل كلینیكا ژی كاردكهین و رێكخراوێن نهحكوومی ژبۆ زوو دهستنیشانكرنا نهخۆشیێ، ژبهركو زوو دهستنیشانكرن دبیته ئهگهرێ زوو چارهسهریێ ژی.
ل رۆژا جیهانی یا نهخۆشیا سلێ چهندین دیاری ژی ل سهر نهخۆشان هاتنه بهلاڤكرن.