نوشدارێن فرهنسی دێ سهرهدانا شهش گوندێن دهۆكێ دهن
ب ههڤكاریا رێكخراوا ستارت بۆ پهرهپێدانا كۆمهلایهتی و رێڤهبهریا گشتی یا ساخلهمیا پارێزگهها دهوكێ و ب پشتهڤانیا قونسلخانا فهرهنسی ل عیراقێ تیمهكێ نوشداران سهرهدانا كانی گولانێ كر و ل بهره ژی ئهو سهرهدان شهش گوندان ڤهگرن.
جولا حاجی ئهنداما پهرلهمانێ عیراقێ دیاركر كو رێكخراوا ستارت بۆ پهرهپێدانا كومهلایهتی ئهڤ پرۆژه ژ قونسلخانا فهرنسی ل عیراقێ وهرگرتی یه و گۆت:، ئهف تیمه پێك هاتیه ژ نوشدارهكا ژنان و ستافهكێ هاریكار و ههموو دهرمان ئامادهكرینه و مه ل بهره ب ههڤكاریا رێڤهبهریا گشتی یا ساخلهمیا پارێزگهها دهوكێ تیمێن گهروكێن وان كو پێك هاتینه ژ یهكهیهكا سونارێ و وهرگرتنا تاقیكرنا خوینێ، ئهم سههرهدانان بهردهوام بكهین.
جولا خانێ دیاركرژی كونێزیكی 450 ژنان دێ مفای ژڤی پروژهی وهرگرن و دێ چنه شهش گوندان ههروهسان بۆ ماوێ دوو ههیڤان یا بهردهاوم بیتن و گۆت: مهرهم ژڤێ ههوێ ئهوه كو هاریكاریا وان ژنان بكهن كو بنگههێن تهندروستی ل دهڤهرێن وان نهبن یان ههكه ههبن ئهف بنگههه دووره ههكه یێ دوور بیت ژی نوشدارێن ژن لێ نین، ئهڤێ چهندێ گرفتهكا مهزن بۆ ژنێن ڤێ دهڤهرێ پهیداكریه و نهچاردبن كو قهستا دهوكێ یان سێمێلێ بكهن، ژبۆ هاریكاری و پشتهڤانیا ژنان مه ئهف تیمه پێك ئینایه و دخوازم حكوومهت بشێت هاریكاریا ژنێن ڤێ دهڤهرێ بكهتن، چونكو گرفتهكا ژ نهبوونا مافێ تایبهت ژنێن ڤێ دهڤهرێ ژبهركو ههكه مه دایكهكا ساخلهم ههبیتن، زارویهك و جڤاكهكێ ساخلهم چێكهتن.