كومپانیه‌كا ئوردنی دێ‌ سه‌رپه‌رشتیا دیزاینێن نه‌خۆشخانا ته‌نگاڤیان كه‌ت

كومپانیا ئه‌رابتك جورانه‌ یا ئوردنی دێ‌ سه‌رپه‌رشتی و دووڤچونا دیزاینێن نه‌خۆشخانا ته‌نگاڤیان ل دهۆكێ‌ كه‌ت.
دوهی گرێبه‌سته‌ك دناڤبه‌را رێڤه‌به‌ریا گشتی یا ساخله‌میا پارێزگه‌ها دهۆكێ‌ و كومپانیا ئه‌رابتك جورانه‌ هاته‌ گرێدان و تێدا كومپانیا ناڤبری دێ‌ بیته‌ لایه‌نێ‌ سیێ‌ د كارێ‌ ئاڤاكرنا نه‌خۆشخانێ‌ دا.
ئه‌ندازیار تالب خورشید، رێڤه‌به‌رێ‌ پشكا ئه‌ندازیاری ل رێڤه‌به‌ریا گشتی یا ساخله‌میا پارێزگه‌ها دهۆكێ‌ دیاركر كو ئه‌ڤ گرێبه‌سته‌ دێ‌ بۆ ده‌مێ‌ شه‌ش مه‌هان بیت و گۆت: كومپانیا ئوردنی دێ‌ سه‌رپه‌رشتیا هه‌موو دیزانیێن دهێنه‌ ئاماده‌كرن كه‌ت به‌ری بكه‌ڤنه‌ قووناغا بجهئینانێ‌.
حه‌كیم سه‌عد به‌یتار رێڤه‌به‌رێ‌ گشتیێ‌ كومپانیا ئه‌رابتك جورانه‌ دیاركر كو ئه‌و دێ‌ بنه‌ لایه‌نێ‌ سیێ‌ و دێ‌ ب بێ‌ لایه‌نی دناڤبه‌را رێڤه‌به‌ریا گشتی یا ساخله‌میا پارێزگه‌ها دهۆكێ‌ و كومپانیا ڤێنس یاكو دێ‌ ب كارێ‌ ئاڤاكرنا نه‌خۆشخانا ته‌نگاڤیان كاركه‌ت و گۆت: بۆ ده‌مێ‌ شه‌ش هه‌یڤان دێ‌ هه‌ول ده‌ین ژی مه‌ وركشۆپێن تایبه‌ت بۆ ئه‌ندایارێن ساخله‌میێ‌ هه‌بن و هه‌ر كێماسیه‌ك ژی ب بێ‌ لایه‌نی دێ‌ هێته‌ ده‌ستنیشانكرن به‌ری بجهئینانێ‌.