نوشدارێن باتمان و دهوكێ پێزانینێن زانستی لێك گوهارتن
هاتیه بلاڤکرن روژا دوو شه‌مبێ, 1 نيسان 2013 - 11:37am
ب مه‌ره‌ما خورتكرنا په‌یوه‌ندیان و ئالوگوركرنا پێزانینێن زانستی ، دوهی 31/3/2013 شانده‌كێ پێكهاتی ژ هه‌شت نوشداران ژ باتمانێ سه‌ره‌دانا نه‌خوشخانا زاخو كرن و پشتی هاتینه پێشوازیكرن ژلایێ رێڤه‌به‌رێ گشتیێ ساخله‌میا پارێزگه‌ها دهۆكێ و رێڤه‌به‌رێ ساخله‌میا زاخۆ، چه‌ند سمینارێن زانستی پێشكێشكی دورێن 50 نوشدارێن دهوكێ كرن.
د. مه‌حمود ئه‌ختاف سه‌رۆكێ شاندێ نوشدارێن باتمانێ دیاركر كو شاندێ وان پێكهاتی یه ژ گه‌له‌ك تایبه‌تمه‌ندی یان وه‌كو ( كارگێریا ساخله‌میێ، نشته‌گه‌ریا گشتی، نه‌خوشێن ژنان و زاروبونێ، شكه‌ستن و هه‌ستی، گورچیسك و میزه‌رۆیێ، سونه‌رێ و دلی ) و گوت: مه‌ره‌م ژ هاتنا مه بۆ كوردستانێ ئه‌م رێكێن هاریكاریێ دگه‌ل نه‌خوشان نیشا نوشداران بده‌ین ، ژ به‌ركو گه‌له‌ك نه‌خوشێن هه‌رێما كوردستانێ سه‌ره‌دانا وه‌لاتێ توركیا دكه‌ن و ده‌ر ئه‌نجام دهێنه خاپاندن و ئه‌م دێ هه‌ول ده‌ین نه‌خوشان وه‌ربگرین ورێكێن دروستێن چاره‌سازیێ بو دیاربكه‌ین.
د.مه‌حمود گوتژی مه‌ره‌ما دوێ ژهاتنا وان پێشكێشكرنا هه‌شت سمینارێن زانستی یه بۆ نوژدارێن پارێزگه‌ها دهوكێ ، ژ به‌ركو گه‌له‌ك پێشهاتێن نوو دوارێن ساخله‌میێ دا هه‌نه پێدڤی یه نوژدارێن دهوكێ ژی هایدار ببن .
ئه‌ڤ مالپه‌ره فرێکه
