پتری 178 هزار زارۆیان ل دهۆكێ و زاخو دێ هێنه ڤاكسیندان
هاتیه بلاڤکرن روژا دوو شه‌مبێ, 1 نيسان 2013 - 11:43am
ب مه‌ره‌ما كونترۆلكرنا نه‌خۆشیا فالنجا زارۆیان، دوهی ب ئاماده‌بوونا قایمقامێ قه‌زا زاخۆ و نوونه‌رێ لقێ هه‌شت یێ پارتی و رێڤه‌به‌رێ گشتیێ ساخله‌میا پارێزگه‌ها دهۆكێ رێ و ره‌سمێن ده‌ستپێكرنا هه‌وا ڤاكسیندانێ ل داینگه‌ها دادا نارین زاخۆ هاتنه گێران و تێدا 178 هزار زارۆ ل سه‌رانسه‌ری دهۆكێ دێ هێنه ڤاكسیندان.
د.سیروان محه‌مه‌د ئه‌سوه‌د، رێڤه‌به‌رێ كارۆبارێن خوپاراستنێ ل دهۆكێ بۆ رۆژنامه‌یا ئه‌ڤرۆ دیاركر كو گه‌را ئێكێ یا ڤاكسیندانێ بۆ ده‌مێ پێنج رۆژان دێ یا به‌رده‌وام بیت و گۆت: ل دهۆكێ بریاره پتری 178 هزار زارۆیان بهێنه ڤاكسیندان كو 38 هزار ژوان ل ده‌ڤه‌را زاخۆنه.
دیاركر ژی ئه‌وان 453 تیمێن گه‌رۆك پێكئیناینه و مال ب مال دێ گه‌رن ژبۆ ڤاكسیندانا مه‌زنترین رێژا زارۆیان دی نه‌خۆشیا فالنجا زارۆیان و گۆت: گه‌را دوێ پشتی هه‌یڤه‌كا دی دێ هێته گێران و هه‌مان رێژا زارۆیان دێ ب خوه‌ڤه‌گریت.
ئه‌ڤ مالپه‌ره فرێکه
