ساخلهمیێ 25 جهـ ژ بهر پیساتیێ دائێخستن و سزادان
هوبا زێرهڤانیا ساخلهمیێ ل پارێزگهها دهۆكێ د ماوهیێ حهفت رۆژاندا 25 جهێن گشتی ژ بهر پیساتیێ و نهپێگیری ب رێنومایێن ساخلهمیێ دائێخستن و سزادان.
عسمهت سلێمان بهرپرسێ هۆبا ناڤبری گۆت: دماوهیێ حهفتییهكێ دا تیمێن زێرهڤانیا ساخلهمیێ كارین 10 جهێن گشتی ژ خوارنگههـ، كافیتیریا، جوانكاری و چایخانه بگرن، ئهگهر ژی و نهبوونا دهستوویریا ساخلهمیێ و نه پێگیری ب رێنومایان و دیاركر، ههر دگهل واندا 15 جهـ ژ كارگهه، چایخانه، كافێتیریا، خوارنگههـ و جوانكاری هاتنه سزادان ب گوژمهكێ پارهی.
بهرپرسێ هوبا زێرهڤانیا ساخلهمیێ دیاركر ژی، تیمێن زێرهڤانیێ ب شهڤ و رۆژ دكاریدانه و پێرابوونێن لدووڤ قانوونا ساخلهمییا گشتی همبهر ههر جههكێ پێگیریێ ب بریار و رێنومایێن ساخلهمیێ نهكهت دێ هێنه وهرگرتن.