بۆ وهرزێ هاڤینێ بهرههڤیێ كۆنترولا نهخۆشییا ل كهمپا دومیز دهێتهكرن
ب مهرهما ژ نێزیك هایداربوون لسهر رهوشا جهێن گشتی و پاقژییا كهمپا دۆمیز، دوهی لێژنا بلندا ساخلهمیێ كۆمبوونهك دگهل كارگێرییا كهمپێ سازكر و سهرا چهند جهێن گشتی دا، بریاردان ئامێرهكێ نوو بۆ پشكنینا ئاڤێ ل ناڤ كهمپا دۆمیز دێ هێته دان.
دڤێ سهرهدانێدا ئالیێن پهیوهندیدار د لێژنا بلندا ساخلهمیێ دا ل پارێزگهها دهۆكێ رژدی لسهر ساخلهمییا وهلاتییانكر، بتایبهت ژی ژ ئالیێ ئاڤا ڤهخوارنێ و هاڤێتنا گلێشی و جهێن گشتی مینا ماركێت و خوارنگههان.
بۆتان محسن سهرۆكێ لژنا ناڤبری گۆت: دڤێ سهرهدانێدا چهندین بریار دان ژ وانا ساخلهمییا پارێزگههێ بهرههڤیێن ئینانا ئامیرهكێ نوو بۆ پشكنینێن ئاڤێ دناڤ كهمپا دۆمیز دا ههروهسا بریاردا ژ ئهڤرۆ پێدا لێژنهیهك ژ تیمێن زێرهڤانییا ساخلهمیێ و سهرپهرشتیارێن كهمپێ پێك بهێن و بۆ سهرهدانا جهێن گشتی و دیاركر، دێ رێنومایێن ساخلهمیێ لسهر ههموو جها هێنه پارڤهكرن بۆ هندێ ئهو كهسێ دهستووریا ساخلهمیێ نهبت دروست بكهت و بهرۆڤاژی وێ دێ ئهو جهـ هێته دائێخستن.
سهرۆكێ لێژنیا بلندا ساخلهمیێ دا زانین ژی زێدهتر باژێرڤانییا فهیدیێ دێ دگهل كۆمپانیا ب كارێ پاقژكرنێ دوڤچوونێ لسهر پاقژییا كهمپێ كهن و ئاماژهكر، ئارمانج ژ ڤێ سهرهدانێ پاراستنا گیانێ وهلاتیانه و پاقژییا كهمپا ناڤبریه د وهرزێ هاڤینێ دا بۆ هندێ كونترۆلا نهخۆشییان بهێتهكرن.