كلینیكهكا شیرهتكاریا ئێڤاریان ل ئاكرێ هاته ڤهكرن
ب مهرهما پتر خزمهتكرنا نهخۆشان ل قهزا ئاكرێ، رێڤهبهریا گشتی یا ساخلهمیا پارێزگهها دهۆكێ رابوو ب ڤهكرنا كلینیكهكا تایبهت یا ئێڤاریان ل قهزا ئاكرێ.
د رێ و رهسمێن ڤهكرنێ دا كو ب بهرههڤبوونا قایمقامێ قهزا ئاكرێ هاتنه گێران، د. نزار عصمت رێڤهبهرێ گشتی ساخلهمیا پارێزگهها دهوك دیاركر كو د ڤێ كلینیكێ دا هژمارهكا نوشدارێن تایبهمهند دوارێن جودا جودا یێن ساخلهمیێ روژانه دێ پێشوازیا نهخوشا كهن و گۆت: ئهڤ خزمهته بههرا پتر دێ پارێ وێ ژلایێ حكومهتێ ڤه بیت و ئهڤ نوشداره دێ خزمهتا باشتر بو خهلكی پێشكێش كهن و پارهكێ كێم ژ نهخۆشان دێ هێته وهرگرتن.
ههروهسا دیاركر كو ل پاشهرۆژێ دێ بهرفرههتر لێ هێت و ههر نوشدارهكێ تایبهتمهندیا وی لڤێره نهبیت و حهزا كاركرنێ ههبیت دشێت لڤێره كار بكهت و گۆتژی: كلینیك یا حكوومی یه و موچه دێ بو هێته دان دگهل كارمهندێن لڤێره كاردكهن.
بهری ڤهكرنا كلینیكێ ژی رێڤهبهرێ گشتی ساخلهمیا پاێزگهها دهوكێ و ل گهل شاندهكی سهرهدانا چهند دهزگههێن ساخلهمیێ ل ئاكرێ كر دیسان سهرهدانا كارمهندێن ساخلهمی و نهخوشا دناڤ نهخوشخانێ و كێم و كاسێن وان ژ ئالیێ ئاڤاهی، خوارن و ڤهخوارن، دهرمان و پێدڤێن پتر بهرچاڤ هاتنه وهرگرتن و دكومبونهكێدا ب ئامادهبوونا رێڤهبهرێ ساخلهمیا ئلكرێ و هژمارهكا نوشدار و كارمهندا رهوشا ساخلهمیا ئاكرێ و ئاستهنگێن دكهڤنه درێكا واندا و ئارمانجا دیتنا پاشهروژێ هاته گهنگهشهكرن و رێڤهبهرێ گشتیێ ساخلهمیا پارێزگهها دهوك پلان و بهرنامێ كو ساخلهمی لسهر كاردكهت گهنگهشهكر و ئاریشهیێن ئامادهبوونا ل بهرچاڤ هاتنه وهرگرتن.