پتر ژ هزار كهسان ل ناڤ سهیرانان نهخۆش بووینه
ل دووڤ بهرنامێ خزمهتا 122 یا ههوارهاتنێن دهستپێكێ كو راستهوخۆ پهیوهندی ژلایێ وهلاتیێن نهخۆش و تووشبۆیێن روودانان ژێرا دهێته كرن، دیاردبیت كو د دو حهفتیێن بۆری دا پتر ژ هزار كهسان دناڤ سهیرانان دا نهخۆش بووینه و پتریا وان ژههراویبوون ب خوارنێ بوویه و دو كهس ل ناڤ سهیرانان مرینه.
ههیسهم عهبدی سلێمان، بهرپرسێ سهنتهرێ 122 یێ ههوارهاتنێن دهستپێكێ دیاركر كو پلانا وان یا وهرزێ بوهارێ ههموو دهڤهرێن سهر ب پارێزگهها دهۆكێ بخوڤهگرتبوون و گۆت: ل ههر قهزایهكێ دورێن 3-4 تیمان 24 دهمژمێران كاردكهن داكو ڤێراگههشتنێن دهستپێكێ تووشی كهسێن نهخۆش بكهن و ل ههردو حهفتیێن بۆری ئهو شیاینه پتری 1000 كهسا ل جهێ سهیرانان چارهسهربكهن و 120 نهخۆش ژی هاتینه هنارتن بۆ نهخۆشخانه و دهزگههێن ساخلهمیێ.
ههیسهم عهبدی دیاركر ژی ئهو حالهتێن بۆ نهخۆشخانهیان هاتینه هنارتن پتریا وان روودان بووینه و گۆت: 12 روودانێن سۆتنێ ل گهل 23 یێن ژههراویبوونێ ب گازێ و 36 كهتن ژ بلنداهیێ و 11 گێژبوون و 10 روودانێن ترۆمبێلان ل جهێ سهیرانان پهیدابووینه و دو كهسان ژی ژ ئهگهرێ جهلتهیا دلی گیانێ خوه ژ دهست دابوو و گۆت: ئاریشا ژ ههمیان مهزنتر ئهوه خهلك گازێ د بۆتلێن ئاڤێ دا و زارۆ پێ نزانن و ڤهدخوون و تووشی ژههراویبوونێ دبن.