دۆرێن 40 نوشدارێن دهروونی یێن عیراقێ ل دۆر كهمپا دومیز كومبوون
وهزارهتا ساخلهمیا عیراقا فیدرال ب ههڤكاریا ساخلهمیا ههرێما كوردستانێ دگهل رێكخراوا ساخلهمیا جیهانی وركشۆپهكا تایبهت ل دۆر پێشڤهبرنا رهوشا ساخلهمیا دهروونی یا تهنگاڤیان بۆ دهمێ چوار رۆژان ڤهكر و تێدا دۆرێن 40 نوشدارێن دهروونی ل ههرێمێ و پارێزگهها ئهنبار پشكداربوون.
د.نزار عصمت رێڤهبهرێ گشتیێ ساخلهمیا پارێزگهها دهوكێ دیاركر كو بۆ وان سهرفهرازیه وورك شوپهكێ ل ڤی ئاستێ بلند ب پشكداریا رێكخراوا ساخلهمیا جیهانی و چهند شیرهتكارێن ساخلهمیا دهروونی ل سهر ئاستێ جهیانی و گۆت: ئهڤ وورك شوپه دێ خزمهتهكا زور پێشكێشی ئاوهرهیێن روژ ئاڤا كهت د بوارێ ساخلهمیا دهروونی دا ههر ژ بو ئهڤێ خزمهتێ چهندین بسبورێن شارهزا یێن دهروونی ل ههرسێ پارێزگههێن ههرێمێ و پارێزگهها ئهنبار بهشدار بووینه.
د.مارك ژرێكخراوا ساخلهمیا جیهانی كو ل وهلاتێ سویسرا هاتبوو دیاركر كو مهرهما سهرهكی یا وركشۆپێ خزمهت و هاریكاری كرنه بو ئاوهریێن روژئاڤا كو نوكه ل ههرێما كوردستانێ ئاكنجینه و گۆت: یا دیاره كو ئهڤ بهنابهره تووشی خهموكیێ ه تێكچوونا دهروونی بووینه ژبهر رهوشا نوكه تێدا دبورن.
د.مارك ئهوژی دا زانین كو دڤێت سهرهدهریهكا تایبهت دگهل ڤان جوره كهسان بهێته كرن و گۆت: رهنگه 5-10% ژ ئاوهرهیان تووشی نهخۆشیێن دهروونی ببن كو ئهڤهژی رێژهیهكا زوره و پێدڤی ب چارهسهریێ دبن.
ههژی یه كو ههر ژ دهستپێكا دانانا كهمپا دومیز، رێڤهبهریا گشتی یا ساخلهمیا پارێزگهها دهۆكێ رابوویه ب دانانا خشتهیهكی بۆ هنارتنا نوشدارێن دهروونی بۆ كهمپا ناڤبری و چارهكرنا ئاریشێن دهروونی.