ساخلهمییا جیهانی زێدهتر هایداری كهمپا دومیز دبیت
ب مهرهما ژ نێزیك هایداربوون لسهر رهوشا ئاوارهیێ كهمپا دومیز شاندهكێ رێكخراوا ساخلهمییا جیهانی ب ههڤالینیا شاندهكێ رێڤهبهریا كاروبارێن خۆپاراستنا ساخلهمیێ سهرهدانا كهمپا ناڤبری دكهن.
د. سیروان محهمهد رێڤهبهرێ كاروبارێن خوپاراستنا ساخلهمیێ ل پارێزگهها دهۆكێ راگههاند، بۆ زێدهتر هایداربوونا لسهر رهوشا ساخلهمییا ئاكنجیێن كهمپا دومیز دوهی سهرهدانهك ژ ئالیێ شاندهكێ رێكخراوا ساخلهمییا جیهانی هاته ئهنجامدان و لسهر كونترولكرنا نهخوشیێن دناڤ كهمپیێ دا راوهستیان و گۆت: پشتی مه و شاندێ رێكخراوا ناڤبری سهرهدانهك دناڤ كهمپا ناڤبری دا كری كۆمبوونهك دگهل رێكخراوا,UNHCR UNFPA هاته ئهنجامدان بۆ پتر خزمهتكرنا ئاوارهیێن دناڤ كهمپێ دا بتایبهت ژی ژ ئالیێ پاراستنا ساخلهمییا وان ژ نهخۆشیێن دهێنه ڤهگۆهاستن.
دهێته زانین دگهل دروستكرنا كهمپا دومیز سازیێن حوكمهتا ههرێما كوردستانێ و رێكخراوێن سهر ب نهتهوێن ئێكگرتی ڤه خزمهتێن ژێكجودا ئاراستهكرینه ژ پێخهمهت هاریكاریا ئاوارهیێن كوردێن سووریێ یێن دناڤ كهمپێ دا.
لدووڤ دوماهیك ئامارێن فهرمی رێژا پهنابهرێن سووری ل پارێزگههێ ژ 100 هزار كهسان دهربازكرییه، كو زێدهتر 70 هزار كهسان ل كهمپا ناڤبری دژین.