ساخلهمیا دهۆكێ دو ترۆمبێلێن ڤێراگههشتنێ پێشكێشی قهزا شنگالێ كرن
د چارچوڤێ هاریكاریێن حكوومهتا ههرێما كورستانێ بۆ دهڤهرێن دهرڤهی ئیدارا ههرێمێ، ب تایبهت ژلایێ ساخلهمیێ ڤه رێڤهبهریا گشتی یا ساخلهمیا پارێزگهها دهۆكێ ئهڤه چهندین جاره هاریكاریان پێشكێشی دهڤهران شنگالێ دكهت، ل رۆژا رابوو ب پێشكێشكرنا دو ترۆمبێلێن ڤێراگههشتنێ بو نهخوشخانا گشتی یا شنگالێ كرن، ب دۆر ڤێ چهندێ قایمقامێ قهزا شنگالێ میهسهر حهجی دیاركر ب سوپاسیڤه بۆ جارا گهلهكێ ساخلهمیا دهۆكێ هاریكاریا قهزا شنگالێ، ڤێ جارێ ب ههڤكاری و هاریكاریا لقێ 18 یێ پارتی دیموكراتی دو ترۆمبێلێن ڤێراگههشتنێ بۆ نهخۆشخانا گشتی یا شنگالێ هنارتینه كو بهری نوكه نهخوشخانه سهر ب ساخلهمیا نهینهوا ڤه بوویه و ئهم نهدشیاین ب ترۆمبێلێن وان ب ئازادانه نهخۆشان ب هنێرینه پارێزگهها دهۆكێ و ئاریشه ژێ پهیدادبوون لێ ب هاتنا ڤان ههردو ترۆمبێلان دێ ئاریشا ناڤبری چارهبیت، دیسا قایمقامێ شنگالێ دیاركر كو كهرتێ ساخلهمیێ گهلهك ئاریشه ههنه و خواست كو ب رێیا رێڤهبهریا گشتی یا ساخلهمیا دهوكێ چهند ئامیرێن پێدڤی یێن پزیشكی ژی وهكو هاریكاری بۆ شنگالێ بهێنه دابینكرن، ژبهر پێدڤیا خهلكێ دهڤهرێ.