هه‌وه‌كا پاراستنا ددانا بۆ حه‌فت هزار قوتابیان و 1500 ژنان ده‌ستپێكر

ژبۆ ره‌وشه‌نبیریكرنا قوتابیان و ساخله‌میا ده‌ڤ و ددانان رێڤه‌به‌ریا گشتی یا ساخله‌میا پارێزگه‌ها دهوكێ‌ و ب هه‌فكاری دگه‌ل رێكخراوا USAID یا ئه‌مریكی ل كه‌رتێ‌ سێمێلێ‌ یێ‌ ساخله‌میێ‌ ل رۆژا 5/5/2013  رابوون ب ئه‌نجامدانا هه‌وه‌كا خوپاراستنا ده‌ڤ و ددانان كو دێ‌ سێ‌ بنگه‌هێن ساخله‌میێ‌ و نه‌ه قوتابخانێن سه‌ره‌تای بخوڤه‌گریت.
د.به‌ختیار ئه‌حمه‌د، رێڤه‌به‌رێ‌ پشكا ته‌كنیكی ل ساخله‌میا دهۆكێ‌ دیاركر كو ئه‌ڤه‌ به‌رنامه‌كێ‌ به‌رفره‌هه‌ بۆ كه‌رتێ‌ سێمێلێ‌ بۆ پێشڤه‌برنا بنگه‌هێن ساخله‌میێ‌ و خزمه‌تێن ساخله‌میێ‌ ده‌ستپێكێ‌، پشكه‌ك ژڤی به‌رنامه‌ی ئه‌وه‌ ساخله‌می یا قوتابخانا یه‌، چونكو ساخله‌میا قوتابی ژ هه‌ره‌ خالێن گرنگ ئه‌وه‌ ساخله‌میا ددانا یه‌، ئه‌ڤ هه‌وه‌ ل سێ‌ بنگه‌هێن ساخله‌میێ‌ ل كه‌رتێ‌ سێمێل بخوڤه‌ دگریت وگوت: نه‌ه قوتابخانێن سه‌ره‌تای سه‌ر ب ڤان هه‌رسێ‌ بنگه‌هان ڤه‌نه‌ و ئه‌ڤ هه‌وه‌ هه‌تا نوكه‌ یاشیای پتر ژ 6840 قوتابیان ل قوناغێن ده‌ستپێكێ‌ بخوڤه‌دگریت، ئه‌وژی ب دو رێیان ئێك هشیاركرنا وان و پێزانینێن وان ل سه‌ر چه‌وانی یا هشیاركرنا ددانان كو ب رێیه‌كا زانستی ددانێن خوه‌ بشوون، چونكو ژ گرفتێن هه‌ره‌ سه‌ره‌كی مه‌ل قوتابخان هه‌ی كو ددانێن قوتابیان رزی و كرمی دبن، پشكا دوێ‌ ئه‌وه‌ دابه‌شكرنا مه‌عجینێت ددانان دگه‌ل فرچه‌كی ب رێكه‌كا زانستی ژ لایی تایبه‌تمه‌ندێن شاره‌زا ڤه‌ دهێنه‌ شروڤه‌كرن، دیسان پشكه‌كا دی یا ڤی َهه‌وێ‌ ئه‌وه‌ بنگه‌هێ‌ ساخله‌میێ‌ ژوان ژنێن دوگیان دگریت ئه‌وێن ژیێ‌ وان دناڤبه‌را 15 هه‌تا 45 سالیێ‌ نێزیكی 1500 ژنن، ئه‌و ژی ب هه‌مان شێوه‌ فرچه‌ و مه‌عجین ل سه‌ر وان دهێنه‌ دابه‌شكرن و رێك ب كارئینانێ‌ بۆ وان دهێته‌ شروڤه‌كرن، داكو ژ گرفتێن ددانا قورتال ببن.